Itaia 49:24 - Te B'aib'ara

²⁴ Bon akea kangaangan kamaiuan temanna mai roun temanna ae e korakora ae e iowawaa?

Itaia 49:24 ပူးပေါင်းရင်းမြစ်များ

Etira 9:13

Ko katuaaira i bukin ara bure aika moan te buakaka. Ma ko bon aki katuaaira n aron m'aitin are ti bon riai n katuaaeaki iai, ao ko a tia ni kaokiia tabeman mai buakora nakoni mwengara.

Etira 9:9

Bon tooro ngaira, ma ko bon aki te roko n tannako mairoura. I bukin am tangira nakoira, ao a buokiira taiani uea mai Botia. Kaanga ai aron ae Ko a tia n anganiira te maiu ae e boou. Ko kariaia b'a ti na manga katea am Tembora, ao mani maeka ma te rau i Iuta ao i Ierutarem.

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Neemia 9:37

A anaaki uaan kaai aika a m'aiti irouia uea ake Ko kamenakiia i aora i bukin ara bure. Ti aki konaa ni keiakin rawawatara, i bukina ngke a boni karaoa are a tangiria ni karaoia nakoira ma ara nanai ni man.

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Itaia 5:29

A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Etekiera 37:11

Ao E taku te UEA: Etekiera, ti te bo Iteraera ma taian rii aika a mate. A ngurengure b'a a m'au n te aro are akea kaantaningaan boong aika a na roko irouia.

Etekiera 37:3

Ao E taku, “Etekiera ae natin te aomata, a na konaa ni manga maiu taian rii aikai?” Ao I kaeka, “Bon ti Ngkoe te UEA ae te Atua ae Ko konaa ni kaeka anne.”

Naum 2:13

E taku te UEA ae Moan te M'aaka, “Boni Ngai am kairiribai. N na kabuoki am kaanibuaka. A na mate am tautia i nanon te boo ni buaka, ao N na anai b'aai ni kabane ake ko anai mairouia tabem'aang. E na aki manga ongo te aba b'anaan am tia uarongorongo.”

Mataio 12:29

Ao e na iranna te aomata n rin n ana auti temanna ae aintoa n anai ana b'ai ngkana e aki kabaea moa teuare aintoa? Ao ngkana e a tia, ao e a kona ngkanne n anai ana b'ai ake n ana auti.

Mareko 3:27

Akea ae kona n rin n ana auti te aomata ae aintoa n anai ana b'ai, b'a ti ngkana e kabaea moa teuare aintoa ao ngkanne e a kona n anai ana b'ai ake n ana auti.