Itaia 49:23 - Te B'aib'ara

²³ A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 49:23 ပူးပေါင်းရင်းမြစ်များ

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 43:26

Ao ngke a okira ana auti Ioteb'a ngke e a tawanou, ao a uoti aia b'ai nako nanon ana auti ma ni bobaraaki nako aontano i matana.

Taian Areru 138:4

Te UEA, a na bane uea i aonnaba n neboiko, b'a a tia n ongo taekan am berita.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 68:31

Ane a na roko mai Aikubita taan tei i bukin te tautaeka; Ane a na aantaeka I-Itiobia.

Taian Areru 69:6

Te Uea ae te UEA are Moan te M'aaka, I bia aki riki b'a te b'ai ni kamamaa nakoia ake a onimakiniko! Atuaia Iteraera, I bia aki riki b'a te b'ai ni kab'ainrang nakoia ake a taromauriko.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 29:22

Aikai taeka aika e na taekin te UEA are e kamaiuia Aberaam i bukin kanoan Iakob'a: “Ane a na aki manga mamaa ao ni b'ainrang.

Itaia 41:20

Ana bane aomata n noora te baei ao a na ataia b'a boni Ngai aia UEA Iteraera ae tabu, ae e kariki b'aai nako.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 50:7

Ma e kaawakinai te UEA ae te Atua ma te kamaamaaeaki, ma ngaia are, e aki b'ara nanou, b'a I ataia b'a E na bon aki kab'akaai te Atua.

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Itaia 52:6

au Aomata, kam na ataia b'a antai Ngai ao antai ae E taetae i bukina ngkai I mena ikai.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 60:3

A na roko botannaomata nako ma uea nako nakon ootan karaangainan ami bong.

Itaia 62:2

E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Etekiera 37:6

N na kabutaa n rabuningkami n taian iia ao te kun ao N na uka te ike ni maiu nakoimi. Ao i mwiina, kam na ataai iai b'a bon te UEA Ngai.”

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

Mika 7:17

A na kawakawa i nanon bubun aontano kaanga aroia naeta; A na rurubenebene ni maaku ngkana a otinako man aia nono. A na rairaki ma te maaku nakon te UEA ae Atuara.

Warekaia Iteraera 11:12

ao bon tiaki natiu. Ko tuangai b'a N na tabeakiniia, ma ni kairiia nakon te aba are Ko berita iai nakoia aia bakatibu.

Mataio 25:16

Teuare e anganaki nimaua te tarena e aki tab'ara ma e a nako naba ni kam'akuria, ao e karekea rakana ae nimaua riki te tarena.

I-Rom 10:11

B'a e kaangai te B'aib'ara, “Ane onimakinna ao e na aki kamaamaeaki.”

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

1.Betero 2:6

B'a e koreaki n te B'aib'ara ae kaangai: “Noria, I kawenea te atibu i Tion, ae te atibu ae bouan te maninganinga ae rineaki b'a e kakawaki; ao ane onimakinna ao e na bon aki kamaamaaeaki.”

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.