Itaia 49:16 - Te B'aib'ara

¹⁶ E na koreaki taamnein am kaawa are e buubura i nanoni baim. Ko meemena n taai nako n au iango nako!

Itaia 49:16 ပူးပေါင်းရင်းမြစ်များ

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Ana Anene Toromon 8:6

Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 54:12

A na karaoaki am nono n taian ruube, ao mataroan am kaawa n taian b'ainikatamaaroa ao oon te kaawa n atiibu aika a tamaroa.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 62:6

Ierutarem, I a tia ni kaaki i aon ami oo nako taan tei, ake tabeia n te bong ma te ngaina te taetae n taai nako. A na kakauringa te UEA.

Itaia 62:7

ao a na aki motirawa ni karokoa e matoatoa raoi Ierutarem ma n tanoata taekana n taabo nako.

Ieremia 17:1

Kaain Iuta, a aki konaa ni kamaunaaki ami bure. A koreaki i nanomi kaanga taeka aika a koreaki n te unika i aon te atiibu ke nib'aaki i aon koonan taian baonikarea.

Ieremia 22:24

Te Uea ae Ieoiakin, are natin Ieoiakim te mm'aane, e ngae ngkana ko rin i baiu b'a kaanga te m'am'a ae i baiu ae kanikinaean m'aakan te uea, ma N na bon buutiiko nako mai tabonibaiu.

Akai 2:23

Ma ko na tuanga au tia m'akuri are Terub'abera b'a I a tia Ngai ae te UEA ae Moan te M'aaka n rineia, b'a e na tautaeka n arau.