Itaia 49:13 - Te B'aib'ara

¹³ Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:13 ပူးပေါင်းရင်းမြစ်များ

1.Rongorongo 16:31

Tuangiia taiani karawa ma aonnaba b'a a na kukurei ma ni bukamaruia! Katanoata nako ia botannaomata, “E uea te UEA!”

Taian Areru 148:9

Kam na kamoamoa ngkami taian tabuki ma maunga ma kaai aika uaa ma kaai n te buakonikai;

Taian Areru 65:13

A on aon taabo ake a maiureirei uteute iai n nanai n tiibu; Ao a kebo nanoni m'arua n uita. A riki b'a kanga ai aroia aomata ake a bane ni kanene b'anaaia n anene ni kakatonga.

Taian Areru 69:34

Ke e kamoamoaa karawa ma aonnaba, ma marawa, ma kanoana aika baika kakam'akuri.

Taian Areru 71:21

Ko na karakaa karineau; Ko na manga kakukureiai riki.

Taian Areru 89:13

Ai m'akara Ngkoe! Ai kamakuraa korakoram!

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 49:14

A taku kaain Tion, “E a tia n tannako te UEA ma ni m'aninga taekara.”

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Ieremia 31:13

A na bootaki ni kukurei ma n ruruoia, ateiaine ao rorobuaka, n ikotaki naba ma ami kara, i bukina b'a N na anganiia te raunnano ao N na onika rawawataia nakon te kukurei.

Ieremia 51:48

ngkana e a buaka te taanga ni buaka mai meaang ma ni karokoa te urub'ai. Ao i mwiina, a na kukurei aonnaba ma taiani karawa ma b'aai ni kabane ake iai.

Etekiera 35:14

A na bane ni karaoa aia bootaki ni kukurei aomata n te aonnaba ngkana I kamaunanakoko,

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

2.I-Korinto 7:6

Ma te Atua are karau nanoia akana b'ara nanoia E karau naba nanora n rokon Tito.