Itaia 48:20 - Te B'aib'ara

²⁰ Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 48:20 ပူးပေါင်းရင်းမြစ်များ

2.Tamuera 7:23

Bon akea riki te botannaomata n te aonnaba ae ti te bo ma Iteraera, te botannaomata are Ko kamaiua man te tautoronaki i Aikubita b'a a na riki b'a oin Am b'ai. Ko moanna n ataaki ni karaoan kakai aika a kamimii ngkana Ko kairoroia botannaomata ma antiia b'a a na kiitana abam, b'a a aonga ni konaa ni maeka ikai Am aomata.

Etira 2:1

E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

Taian Areru 126:1

Ngke E kaokira te UEA nakon ana kaawa ae Ierutarem, ao ai aron ae ti mii!

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 24:14

A na takaarua aomata ake i maeao; a na neboa teuare E Karineaki ma te kukurei.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 48:6

Kam ongo ngkoa te b'ai are I taekinna, ao kam a tia n nooria b'a e a tia n riki. Ngkai kam na taekinna b'a e boni koaua! N na kaoti nakoim b'aai aika a raba aika kam tuai man atai.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 51:14

A bane n tang ma te maraki aomata ao a na waekoa ni kainaomataaki; a na kamaiuaki man m'aakan te mate ao a na aki manga baki.

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 31:11

N na kamaiuia mairouia aia kairiribai ake a na konaa ni kab'akaia.

Ieremia 31:21

Au aomata aika kam tangiraki, kam na kanikinaea kawaimi n okira mwengami n taiani b'ariko n atiibu ma boua aika kanikina. Bon te kawai naba are kam kiitana naba iai mwengami.

Ieremia 50:2

Anga te kanikina ao katanoataa taian rongorongo! Kam na aki karabaa! E a tia ni b'aka B'aburon! E a tia ni maerikiriki te anti are Merotaka! A kamaamaaeaki bouanantin B'aburon, ao a kamanatuaaki bannaia aika a rangi n ribaaki!

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ieremia 50:8

Biri nako mai B'aburon Au aomata. Otinako man te aba anne! Kam na aki taningaa temanna.

Ieremia 51:45

Otinako mai B'aburon, Au aomata, ao biiri n rawei maiumi, i m'aain ae I orea te kaawa n uniu!

Ieremia 51:48

ngkana e a buaka te taanga ni buaka mai meaang ma ni karokoa te urub'ai. Ao i mwiina, a na kukurei aonnaba ma taiani karawa ma b'aai ni kabane ake iai.

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Tekaria 2:10

Te Kaawa ae Tion, anene ni kukurei! E a tia ni berita te UEA b'a E na roko ma ni maeka ma ngkoe.

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!