Itaia 48:2 - Te B'aib'ara

² Kam atonga Ierutarem b'a mwengami ao kam taekinna b'a kam onimakinai, Ngai ae te UEA ae Moan te M'aaka, ae Atuan Iteraera.

Itaia 48:2 ပူးပေါင်းရင်းမြစ်များ

Neemia 11:1

Ao a maeka taani kairiiri irouia botannaomata ma aia utu i Ierutarem. Ma e ti konaa n reke nnen teuana te utu man nikiran taiani utu ake tebwina, ma ngaia are, a buubutiia te Atua b'a e na kaotia nakoia b'a antai ae e na maeka ikekei.

Neemia 11:18

Bootaia kanoan Rewi ake a maeka n te kaawa are e tabu bon uabubua waningauni ma aman.

Taian Areru 48:1

E kakannato te UEA, ao E na bati ni karaoiroaki n ana kaawa are maeka iai, i aon ana Maunga are tabu.

Taian Areru 87:3

Ana kaawa te Atua, ko na ongora n taekam aika kamimii mai Rouna:

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 47:4

Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 51:15

N na buokiia i bukina ngkai bon Atuami Ngai, te UEA ae Moan te M'aaka, are E kabuakaa marawa.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mataio 27:53

A oti nako mani nneia maate i mwini manga-utin Iesu, ao a nako n te kawa are tabu, ao a kaoti nakoia aomata aika bati.

Mataio 4:5

Ao e kairia ngkanne te riaboro nako Ierutarem, ao e kateia n te tabo ae te kabanea n rietaata i taubukin te um'antabu,

I-Rom 2:17

Ma ngkoe, ko taku b'a te I-Iutaia; ko onimakina te Tua, ma ni kamoamoako i bukin arom n reitaki ma te Atua;

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.

Te Kaotioti 22:19

ao ngkana iai te bae e kamaunaa te aomata man taeka ni burabeti n te nira ni boki aei, ao te Atua E na anaa mai rouna tib'angana n te kai ni maiu ao man te kaawa are tabu, ake a koreaki taekaia n te niira ni boki aei.

Tani Motiki-taeka 17:13

Ao e taku Mika, E a reke au ibonga ae kaain te baronga are Rewi. I ataia ngkai b'a E nang bon akoai te UEA.