Itaia 48:12 - Te B'aib'ara

¹² Iteraera ae au aomata ae e rineaki, kakauongo irou Bon ti te UEA Ngai, te moan ao te kabane.

Itaia 48:12 ပူးပေါင်းရင်းမြစ်များ

Taeka n Rabakau 7:24

Natiu te m'aane, kakauongo raoi nakon te b'ai ae I taekinna.

Taeka n Rabakau 8:32

Ongora raoi irou, natiu! Iri nanon au taeka n reirei ao ane kam na kukurei.

Itaia 34:1

A na bane aomata man taian botannaomata, n te aonnaba ni kabane, ao b'aai ni kabane aika a maiu, n nakomai ni kakauongo!

Itaia 40:26

Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Itaia 41:4

Antai ae e kariki b'aai aikai? Antai ae e baairea aron te aomata? Boni Ngai! Bon te UEA Ngai. I mena ikekei ngke e moani karikaki b'aai; Ao N na manga mena naba iai ikekei n te toki.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 43:11

Bon ti te Atua Ngai; bon ti Ngai ae I konaa ni kamaiuko.

Itaia 44:1

Kaain Iteraera, I a tia n rineingkami b'a au tia m'akuri.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 46:3

Ngkami aika nikira ni maiu i Iteraera, tii ongora irou, Ngai ae te UEA. I a kaman uouotingkami ni moa man te tai are kam a tib'a bungiaki iai.

Itaia 46:4

Ao N na bon karaoa naba anne ngkana kam a kara ma ni iaia, ao N na bon kaawakiningkami. I karikingkami. I uotingkami ao I tararuaingkami n taai nako.

Itaia 49:1

Kakauongo aomata ni kabane, e ngae ngkana kam mena n abaia ianena n taabo aika raroa nako i nanoni marawa. E rineai te UEA ao e anganai arau i m'aain bungiakiu.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Mataio 20:16

E a manga taku Iesu, “Ane a na riki n rimoa aika rimwi, ao a na riki n rimwi aika rimoa.”

I-Rom 1:6

Kam warekaki naba i buakoia te botannaomata anne, ngkami aika kam weteaki b'a ana b'ai Iesu Kristo:

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 1:24

ma nakoia aika rineaki iroun te Atua, aika I-Iutaia ma I-Erene, boni m'aakan te Atua ao rabakauna naba.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 2:8

“Ao ko na koroboki nakon ana anera te ekaretia are i Temurena ni kaangai: “Aio ana taeka Teuare bon te Moa ao te Toki, are E a tia ni mate, ao E a manga uti:

Te Kaotioti 22:13

Boni Ngai te Areb'a ao te Omeka, te Moa ao te Toki; boni moani b'aai Ngai ao tokiia naba Ngai.”