Itaia 48:11 - Te B'aib'ara

¹¹ I karaoa aei bon ibuku. I rawa ngkana I aki karineaki ke n tib'aa neboau ma anti tem'angina.

Itaia 48:11 ပူးပေါင်းရင်းမြစ်များ

Taian Areru 106:8

Ma E kamaiuia i bukini karinean arana, B'a E aonga ni kaota m'akana.

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Taian Areru 25:11

Kawakina am berita, Te UEA, Ko na kab'ara au bure B'a a bati au bure.

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Itaia 37:35

N na bon kaawakinna i bukin karineau ao i bukin naba te berita are I a tia ni karaoia nakon au tia m'akuri are Tawita.

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 48:5

Ao I tuangngkami b'aai aikai, b'a ngkana a riki ao kam na aki kaangai, “A karaoa te aekaki aei taian bouannanti ake ti taromaurii.”

Itaia 48:9

Bon te UEA Ngai, ae I bon koaua i bon irou; N na neboaki tiaki i bukin katuaeakimi ke tiringakimi.

Itaia 52:5

ao ngkai ai manga te botannaomata teuana e a manga uotiko nako b'a te taenikai ao bon akea naba bukina teuana. A ngirangira am taani kairiiri ni maraki, ao e karereantiaki arau n te bong teuana ma teuana.

Ieremia 14:7

Tiaki mutiakiniko ao ti karaoi baika a rangi ni buakaka ma e riai b'a ti na katuaaeaki. Ma ngkana Ko kamaiura, te UEA, ao a na bane n noora korakoram aomata ni kabane.

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:22

Ma I bon aki. B'a N na bon ngareakinaki iai irouia botannaomata nako ake a tia n noorai ni kaotinakoia mai Aikubita.

Etekiera 20:39

Waaki nako n taromauria ami bouannanti n te tai aei, ngkoe ae Iteraera, b'a N nang karaoiko b'a ko na aki karineai n te tai ae e aki maan b'a ko nang anga b'aintangira nakoia.

Etekiera 20:44

ma ngaia ae kam bon riai ni katuaaeaki. Ma N na karaoa nakoimi te b'ai ae e na reke iai karinean arau, ao kam na ataia b'a te UEA ae te Atua Ngai.

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Etekiera 36:22

ma ngaia are, ko na tuangiia Iteraera Au taeka ae e kaangai: Kam a tia ni kamatauningaa arau ae e tabu i buakoia botannaomata nako ake kam maeka i buakoia ngkai. Ma ngaia ae, e bon riai n aki reke nakoimi te b'ai ae n nang karaoia ngkai nakoimi. N na kaokingkami nakon mwengami ti i bukin karinean arau

Taniera 9:17

Te Atua, ongo au tataro ao au bubuti. Manga kaoka aron am Tembora, are e a tia n uruakaki. Manga kaoka arona b'a a aonga n ataia aomata nako b'a bon te Atua ngkoe.

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

I-Rom 2:24

B'a e koreaki ae kaangai: “I bukin aromi, ngkami aika I-Iutaia, ao e a riki n taetaebuakaki iai aran te Atua irouia aomata aika tiaki I-Iutaia.”

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.