Itaia 47:9 - Te B'aib'ara

⁹ A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Itaia 47:9 ပူးပေါင်းရင်းမြစ်များ

Taian Areru 73:19

A mate nabangkekei; A roko n tokiia ae kakamaaku.

Itaia 13:16

Ane a na nooriia natiia m'aane ngkana a oreaki ma taiani b'a, a na iraeaki mwengaia, ao a na tangakoaki buuia.

Itaia 21:9

Ao ngkai I a nooriia taanga n tautia teuana ma teuana aika boorein aika taan toka i aoia aoti.” Ao e takaarua temanna ni kaangai, “E a b'aka B'aburon! a bane ni wene n uruaki taiani bouannanti i aon tano ni uruaki.”

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Ieremia 15:9

E rawaawata nanon te tina ao e nikobuaka. A tia n onikaki ana bong aika a oota nakon te rootongitong i bukin mateia natina mm'aane aika a itiman. N na tiringiia ni kabane taian nikira ni maiu. Bon aei au taeka Ngai ae te UEA.

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Taniera 2:2

ma ngaia are, e a kanakoa weteaia ana taan tabunea, ma ana ibonga, ma aomata aika taani b'ai, b'a a na tuangnga b'a tera are e a tia ni miia. Ao ngke a roko n tei i matan te uea,

Taniera 4:7

Ao i mwiina, a bane ni karinaki i nanon te bareti taan tabunea, ma ibonga, ao taani borau, ao I tuangiia miiu arei, ma a bon aki kona ni kab'ara nanona nako iu.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

Naum 3:4

E a katuaaeaki Ninewe ae ainen mataawa ae e kakab'akab'aka, ae e on n taian tabunea aika a kamaamate, ma ni kakaririia botannaomata nako ao n tautoroniia.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Ruuta 1:20

Ao e kaekaia ni kaangai, “Tai aranai b'a Naomi, ma aranai b'a Maara b'a E kamaaia maiu Teuare Moan te M'aaka,

Ruuta 1:5

ao a manga mate Maron ma Kirion. E a tiku Naomi n akea buuna, ao akea naba natina m'aane.