Itaia 47:8 - Te B'aib'ara

⁸ Ko taku inanom b'a ti ngkoe ae ko rangi ni m'aaka, n te aro are manga akea buum ma ni bua natim nako. Ti te b'ai ae ko tabeakinna bon te kukurei, ma ko na kakauongo nakon te b'ai ae I taekinna.

Itaia 47:8 ပူးပေါင်းရင်းမြစ်များ

Itaia 14:14

N na mena i aon taian nang, n aron te Atua ae Moan te Rietaata.”

Itaia 32:11

Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Itaia 32:9

Ongora nakon te b'ai ae I taekinna, ngkami aika aine aika kam aki kuukuba ao kam aki bwerengaki!

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Itaia 45:6

Ngkai a bane aomata n nako mai mainiku nako maeao n ataia ae bon te UEA Ngai. Bon akea riki atua aika koaua.

Itaia 47:10

Ko na karabako i akuun te buakaka kaanga te otanga ao ko na kaangai, Akea ae konaa n noorai!” Ko kananobabaaki n rabakaum ao am ataib'ai; ko iangoia i bon iroum b'a bon ti ngkoe ae ko tautaeka.

Ieremia 49:31

Bon akea oon ami kaawa aika a buubura ao bon akea kaain rarikimi aika a na konaa ni buokingkami, ao ae kam bon iangoia naba b'a kam mano ma ngaia ae, I tuangnga b'a e na buaka.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 51:53

E ngae ngke a roota karawa oon nako B'aburon, ma e na urua te kaawa ae e buubura aei te taanga ni buaka ae N na karokoa. Bon aei Au taeka Ngai ae te UEA.

Etekiera 16:49

A kainikatonga ao a buabeka; a toki nanoia ni b'aai ake a kainanoi ao a rawa ni buokiia aika a kananoanga aika a maiu ni kainano.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 30:9

N na urua naba Aikubita n te bong naba anne, N na kanakoa te tia uarongorongo nakoia kaain Itiobia b'a e na katanoataa rokon te urub'ai. A taku n aia iango b'a a mano, ma ane a na maaku.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Taniera 4:4

I rangi ni maiu raoi i nanon au bareti. I ebiebi ni kaub'aiu nako.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Naum 3:4

E a katuaaeaki Ninewe ae ainen mataawa ae e kakab'akab'aka, ae e on n taian tabunea aika a kamaamate, ma ni kakaririia botannaomata nako ao n tautoroniia.

Ab'akuka 1:7

A karika te maaku, ao a kamoamoa b'a akea ae e kona ni waeia.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

Tani Motiki-taeka 18:27

Ao a anaa ana ibonga Mika kaain te baronga are Taan ma b'aai ake e karaoi Mika, ao a m'ananga ni kaaitaraa Raiti, are e mena n te m'arua are mena taekana n te kaawa are Beta Reoba. Bon akea matoatoan ninian Raiti b'a akea oona, ao e rangi n raroa mai Titon, n te aro are a aki kona n roko kaain Titon ni buokiia. Ao a tuai naba ni bubutiia kaawa ake i rarikiia taani kairiiri mai Raiti buokaia i bukin buakanakiia. A karaoa te buaka ae karina ana taani buaka Taan nakon te kaawa are Raiti, ao a tiringiia aomata ni kabane, ma ni kabuokiia. Ao i mwiina, a manga karaoa te kaawa, ma ni maeka iai.

Tani Motiki-taeka 18:7

Ao a nako m'aane akekei nakon te kaawa are Raiti, ake a roko kaaina mai Titon, ma a aki kona ni kamanoaki mai Titon b'a e rangi n raroa nako. E ngae ngke akea oon aia kaawa ao a bon taku naba kaaina b'a a rangi ni mano man taiani buaka. Ma ngaia are, a aki manga bubutiia te aomata temanna buokaia, are nanona b'a e na rangi ni beebete iroun te baronga are Taan ngkana e buakana Raiti.