Itaia 47:6 - Te B'aib'ara

⁶ I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Itaia 47:6 ပူးပေါင်းရင်းမြစ်များ

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

2.Rongorongo 10:11

E kam'akuringkami n te m'akuri ae e rawaawata, ma ngai n na kam'akuringkami n te m'akuri ae moan te rawaawata riki. E kataereingkami n taiani kainikataere, ma ngai n na kataereingkami n taiani kainikataere aika iai taiani m'akoro ni biti aika a kakang i taboia!”

2.Rongorongo 28:9

E maeka Oteta i Tamaria ao temanna ngaia ana burabeti te UEA. E kaaitibo ma ana taanga ni buaka Iteraera ngke e oki rikaaki mai Iuta ao e taku nakoia: E katokanikaingkami te UEA i aoia kaain Iuta ti i bukina ngke e un irouia. Ma kam na aki karaoa ae e rangi ni buakaka nakoia!

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

2.Rongorongo 36:20

A uotiia nako koraki ake taian nikira ni maiu nako B'aburon b'a aia taenikai, ike a riki b'a ana toro te uea ma natina m'aane, ni karokoa te tai are e rikirake iai Botia b'a te botannaomata ae e korakora.

Etira 5:12

Ti kaongoaki b'a a tia aia botannaomata ni kauna Atuaia, ai ngaia are E a kariaia b'a a na kataenikaiaki iroun Nebukaneta, are uean B'aburon are e uotiia nako b'a taenikai i B'aburon. Ao Nebukaneta e kamaenikuna aia Tembora ni kab'aka,

Taian Areru 69:26

A b'ainikiriniia te koraki ake Ko a tia ni karawawataia; A tataekin kainanoia te koraki ake Ko a tia ni kamarakiia.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 13:16

Ane a na nooriia natiia m'aane ngkana a oreaki ma taiani b'a, a na iraeaki mwengaia, ao a na tangakoaki buuia.

Itaia 14:17

E tauai taian kaawa aika a buubura ni kabane ao e karika te aonnaba b'a te rereua? Boni ngaia are e rawa ni kaokiia buure nakoni mwengaia?”

Itaia 14:6

ake a kiunuun ma n aki toki ni kabuakakaia aomatan botannaomata ake tekorakina.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Ieremia 50:42

A mena i nanoni baiia taiani kainikatebe ao kanoanikatebe ao taiani kabaang. A iowawa tautia ao akea aia nanoanga. A eeko rebwerebwen waeia aia aoti kaanga naoni marawa aika a rebwe i mataniwiin te bike. A tei n te rain ana taanga ni buaka n tataninga te buaka ao a roko b'a a na buakaningkami, kaain B'aburon!

B'aeb'aeti 1:14

“E atai au bure ni kabane, ao E bootii n ti teuana. E katokaa i aon akuu b'a kaanga te amo. Ao e a taonai rawawatana. E anga ngai te UEA nakoia au kairiribai ao i aki konab'ai ni kaaitaraia.

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

B'aeb'aeti 2:2

E na bon kamaunai kaawan nako Iuta te UEA n akea ana nanoanga. Ao E na katabwenai taian nono ake otangan te aba. E uota te rawaawata nako aon abanuea ma taan tautaeka.

B'aeb'aeti 4:16

Akea riki manga taben nanon te UEA irouia; E a bon kamaenakoia. E a aki kubariia ara ibonga ma ara taan kairiiri.

B'aeb'aeti 5:12

A anaaki ara taan kairiiri ao a kabaeaki roroaia, a akea karineaia ara unim'aane.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 28:16

Ko iokinib'ai ma botannaomata tabeman ao ko a rikirake ni iowawa ao ni buakaka. Ma ngaia are I kairoroiko b'a ko na kiitana Au maunga, ao baika a maiu aika iai baiia ni kiba ake a kakaawakiniko ake a manga kakioko nako man atiibu aika tamaroa.

Ob'aria 1:10

“Akea tokin kamamaeam ma uruam Etom i bukina ngkai ko a tia ni iraeia ma n tiringa tarim ae kanoan Iakob'a, ko na bon kamaunanakoaki n aki toki.

Ob'aria 1:16

A tia ni mooi au Aomata ni m'angkon oreia ae kamangingi i aon Au tabuki are e tabu Ma botannaomata aika katobibira ana bane ni mooi n te mooi ae maai ae m'angkon te katuaaeaki; ana mooi ni kabanea n akea nikirana.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Tekaria 1:15

N taai aika a nako I un ma botannaomata, ma ngkai E a rangi ni maraki nanou b'a a tia ni karaoi riki b'aai aika a buakaka nakon are mai m'aaina i bukin Ierutarem ao bon akea teuana tabetaben nanoia iai.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Te Tua-Kaua 28:50

A na bon aki nanoanga naba teutana, ao a na bon akea naba karineaia aomata aika a kara ke n nanoangaia ataei.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.