Itaia 47:5 - Te B'aib'ara

⁵ B'aburon, kainab'aabu! Tekateka n te roo. Ko nang aki manga butim'aeaki irouia botannaomata nako b'a aia ueanaine ngkoe.

Itaia 47:5 ပူးပေါင်းရင်းမြစ်များ

Taian Areru 31:17

Te UEA, I weteiko; N na aki b'ainrang iroum. Kab'ainrangiia akana buakaka, ao kanakoia nako Tiore n aki karongoa.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Itaia 13:10

E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 21:9

Ao ngkai I a nooriia taanga n tautia teuana ma teuana aika boorein aika taan toka i aoia aoti.” Ao e takaarua temanna ni kaangai, “E a b'aka B'aburon! a bane ni wene n uruaki taiani bouannanti i aon tano ni uruaki.”

Itaia 23:2

Tanginiwenei ma te aki kakarongoa, ngkami aika taani kaboob'ai i Titon, ao ngkami naba aika kam maeka i mataniwiin te aba. Ami kaimoa aika a riri nanon taiani marawa, are karikirakea kaub'ain ami kaawa are e buubura anne.

Itaia 47:1

Te Kaawa ae e buubura ae B'aburon, ko rangi ni maraurau ao ko ubu, ma ko na bitaki. Kaaki m'aakam ni uea ao tekateka i aon te baareka.

Itaia 47:7

Ko taku n am iango ko na riki b'a te ueanaine n aki toki. Ko aki tabe ma te b'ai ae ko a tia ni karaoia; ko bon aki roko n te uringnga ae ko na manga m'ane.

Ieremia 25:10

N nang katoki ami baka ni kukurei ma bootaki ni mare; akea riki ae e na manga kamanta te uita ke ni mena ikai ni kaura te taura n te bong.

Ieremia 8:14

A taku i bon irouia kaain Iuta, “Ao tera ae ti a tataningaia? Ti riai ni biri rikaaki nakon kaawa ake iai ooia ma ni mate ikekei. Ti a tia ni kakaitaraa te UEA, ao motikan taekara bon te tiringaki ni kamooaki n te boitin.

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

Ab'akuka 2:20

E mena te UEA i nanon ana Tembora are e tabu, ke a bane kaain aonnaba ni kainab'aabu i matana.

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Te Kaotioti 17:18

“Ao te aine are ko noria bon te kaawa are kakannato are tautaeka i aoia ueea i aonnaba.”

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.