Itaia 47:4 - Te B'aib'ara

⁴ Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 47:4 ပူးပေါင်းရင်းမြစ်များ

Taian Areru 19:14

A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 43:15

Bon Atuam Ngai ae e tabu, Ana tia karikib'ai Iteraera ao ana Uea.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 51:15

N na buokiia i bukina ngkai bon Atuami Ngai, te UEA ae Moan te M'aaka, are E kabuakaa marawa.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Ieremia 31:11

N na kamaiuia mairouia aia kairiribai ake a na konaa ni kab'akaia.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!