Itaia 47:1 - Te B'aib'ara

¹ Te Kaawa ae e buubura ae B'aburon, ko rangi ni maraurau ao ko ubu, ma ko na bitaki. Kaaki m'aakam ni uea ao tekateka i aon te baareka.

Itaia 47:1 ပူးပေါင်းရင်းမြစ်များ

Iobi 2:13

Ao i mwiina, a uaia n tekateka ma ngaia i aon te tano i nanon itiua te bong ao te ngaina n aki kakarongoa, i bukina ngke a bon noora rawawatana.

Iobi 2:8

Ao e nako Iobi n tekateka i rarikin te tabo ni maange, ao e anaa te maibi ni katiibu ni kakaara iai kaboana.

Taian Areru 137:8

B'aburon, ko nang uruaki. E a kab'aia ane kaboa nakoim mwin am bure are ko karaoia nakoira:

Taian Areru 18:27

Ko kamaiuia akana mangori, ao Ko kamangoria akana kainikatonga.

Taian Areru 89:44

Ko anaa m'akana n uea mai rouna, Ao Ko kab'aka man nakoana n uea.

Itaia 13:1

Aio te rongorongo ae I anga i bukin B'aburon:

Itaia 13:13

I rangi n un, Ngai ae te UEA ae Moan te M'aaka Ngaia ae N na ioioa karawa ao e na rurubenebene te aonnaba.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 21:1

Aio rongorongon te rereua are i rarikin taari: A na buaka kairiribai man aia botannaomata kairiribai kaanga te ukeukenanti man Rereuan Maiaki.

Itaia 23:12

E a tia n taku te UEA nakoia kaain Titon, “E a roko n tokina ami baka ni kukurei kam a mantinti. E ngae ngkana ko biri nako Kubero, e na bon aki reke naba iroum te rau.”

Itaia 26:5

E a tia te Atua ni kab'akaia ara kairiribai man aia kaawa are e buubura are i aon te maunga ao e taunna n te baareka.

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Itaia 37:22

Etekia, ko tataro nako iu i bukin Uean Aturia are Tennakeriba. Ao ngkai, aio te b'ai ae I taekinna nakon te uea anne: Aomatan Ierutarem a ribaiko mani kakanikoko; ao a ngareakiniko mai akuum.

Itaia 52:2

Tion, teirake man te baareka! Kainaomatako man te roobu ane i roroam.

Ieremia 13:18

E tuangai te UEA b'a N na tuangko b'a a na riai n anga aia kaintokanuea ami uea ma tinana ao ni kanakoi aia baunuea.

Ieremia 46:11

Aikubita, bon akea te b'atin ae ko na konaa ni marurung iai, e aki konaa naba ni marurung n tangaurin te kun mai Kireata.

Ieremia 48:18

Kaain te kaawa ae Ribon, kam na aki manga oki ni karineaki, ma ngaia ae, kam na tekateka i buakon te baareka. Ane a na raeuaakaki oon ami kaawa ngkana a roko ami kairiribai ni buakaningkami.

Ieremia 50:1

Aio te rongorongo ae e anganai te UEA i bukin te kaawa are B'aburon ma kaaina: Taekina te b'ai ae na riki ao tai katuka naba te rongorongo teuana ma iai.

Ieremia 50:42

A mena i nanoni baiia taiani kainikatebe ao kanoanikatebe ao taiani kabaang. A iowawa tautia ao akea aia nanoanga. A eeko rebwerebwen waeia aia aoti kaanga naoni marawa aika a rebwe i mataniwiin te bike. A tei n te rain ana taanga ni buaka n tataninga te buaka ao a roko b'a a na buakaningkami, kaain B'aburon!

Ieremia 51:1

Boni Ngai ae te UEA, ae I kanakoa te ang b'a e na uruaniia kaain B'aburon ma B'aburon, are atuun kaawan te tautaeka.

Ieremia 51:33

Boni Ngai ae te UEA ae Moan te M'aaka ae Atuaia Iteraera, ao I karaoa te boraraoi aei “E na kaboraoaki B'aburon ma ni kamanatuaaki kaanga te tabo ni kaaki kun ni uita n tain te tai.”

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

B'aeb'aeti 4:5

A mate i nuukan te kaawa aomata ngkoa ake a am'am'arake raraoi. A kakae kanaia i nanon turam aomata ngkoa ake a maiu ni kaub'ai.

Etekiera 26:16

Ane a na ruorikaaki taian uea mai aon aia kaintokanuea, ma ni buuti kunnikai ni uea ma kunnikaia taian rinen aika a tamaroa, ao a na tekateka i aon te tano ma te ruru ni maaku. A na bon tiaoki n rongorongon taenikaimii ao a na ruru ni maaku.

Etekiera 28:17

Kainikatonga n raoiroin taraam, ao e tanoata taekam b'a ko a moanna n tei ni baba. Ao bon anne bukina ngkai I kab'akako nako aon te tano ma ni kariaia uea tabem'aang b'a a na kakanikoko.

Iona 3:6

Ao ngke e ongo aei uean Ninewe ao e teirake naba man ana kaintokanuea, e buuta kunnikaina n uea mai aona, ao e karina naba te kunnikai ae e mangaingai, ao e tekateka i buakon te mannang.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Tekaria 2:7

Kiitana B'aburon ao kawaekoaingkami n okira Tion.”

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’