Itaia 46:9 - Te B'aib'ara

⁹ Bon ti Ngai te Atua! Bon akea riki atua i rarikiu; bon akea naba n ai arou. Kam na iangoi baika a tia n riki n ririki aika a b'aka nako.

Itaia 46:9 ပူးပေါင်းရင်းမြစ်များ

Iobi 10:13

Ko karaoi b'aai akekei ni kabane, ma I ataia ngkai b'a Ko bon baaireia b'a Ko na kaikoakai.

Taian Areru 111:4

Moan te kakannato te Atua n ana m'akuri aika kamimii; E ataataiaomata ao e nanoanga.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 41:26

Iai mai buakoia ami bouannanti ae e konaa n taekin baika a roko rimwi? Iai i buakoia ae e etieti? Bon akea mai buakomi ae e a tia n taekina aei ke n taekina te taeka teuana.

Itaia 41:27

Boni Ngai ae e moan tuangiia Iteraera ni kaangai, “Nooria, e a koro bukina!” Bon te moan Ngai ni katanoataa te rongorongo ae e raoiroi aei nakon Tion.

Itaia 42:9

A na roko b'aai ni kabane ake a tia n roko naba i m'aaina n aron are I taku; ao ngkai N nang katanoata are i mwiina.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 46:5

Iai iroumi ae e konaa ni kabootaua ma Ngai? Iai ae e booraoi ma Ngai?

Itaia 48:3

I katanoata ni bong ake ngkoa te b'ai ae e na riki, ao i mwiina I karikia, n te aro ae akea te katauraoi.

Itaia 65:17

E taku te UEA, N na king karaoa te aonaaba ae boou ma karawa aika a boou. A na m'anuokinaki b'aini ngkoa.

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Ieremia 50:44

B'aburon, N na buakaniko kaanga te raian man te rereua, ae e un nako ia tiibu i nanon te tawaana are i mataniwiin Ioretan. A biri nako te nanai n tiibu n te tai naba arei, ao akea naba kaain te aba. Antai ae N na rineia b'a e na buakaningkami? N na karaoia n ti Ngai! Bon akea ae e konaa ni kairoroai b'a N na buaka ke ni kakioai nako.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

Te Tua-Kaua 32:7

Kam na iangoi roro ake ngkoa. Titirakiniia ami karo ke ami kara. Ao ane a na tuangkami

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.