Itaia 46:6 - Te B'aib'ara

⁶ Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Itaia 46:6 ပူးပေါင်းရင်းမြစ်များ

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

Taian Areru 115:7

Iai baiia, ma akea aia namakin; iai waeia, ma a aki kona n nakonako; ao aki kona ni kakarongoa.

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Itaia 2:8

A taromaurii taiani bouannanti aika a tia ni karaoi n taabo nako i nanon te kaawa.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Ieremia 10:14

A rangi n nanobaba aomata aika a karaoi taian bouananti! A na b'ara nanoia i bukina b'a a bon aki maiu antiia ni kewe.

Ieremia 10:9

A karaoaki taian bouannanti irouia aomata. E korobanna te kai te tia korobanna. E amana kooran Ubati ke te tirewa mai Taretiti te tia m'akuri n te biti b'a rabunana. Ao i mwiina, e kunnikaiaki te bouannanti n te kunnikai ae e buru ma ni beebo.

Ieremia 50:38

Ane a na mautakataka ami karaanga ma ami kanare nako. A na bane n riki baikai, i bukina b'a e onrake abami n taian bouananti, ao a tia ni kaburababaingkami.

Taniera 3:1

Ana baaire Nebukaneta b'a a na bane aomata n taromauria te bouananti te koora. E karaoa te bouananti ae te koora te uea are Nebukaneta, ae 27 te miita rietana, ao e kaan 3 te miita rababana, ao e kateia n te tabo ae e aoraoi i Rura n te burawinti are B'aburon.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.