Itaia 46:3 - Te B'aib'ara

³ Ngkami aika nikira ni maiu i Iteraera, tii ongora irou, Ngai ae te UEA. I a kaman uouotingkami ni moa man te tai are kam a tib'a bungiaki iai.

Itaia 46:3 ပူးပေါင်းရင်းမြစ်များ

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Taian Areru 71:6

E mena mwiokoni maiu iroum mai moana ni karokoa tokina; Ko a tia ni kakaawakinai man te tai are bungiaki iai. N na neboiko n taai nako.

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Itaia 1:9

E na riai n tia ni mauna nako Tion kaanga Tootom ma Komora,

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 10:21

A na rangi n rawata aomata kaanga m'aitin taian tano i mataniwiin taari, ma a na bon ti tabeman aika a na tiku ni maiu ma n okira Atuaia Iteraera ae e m'aaka.

Itaia 10:22

E riki aei i bukina ngke e a tia ni kamaunai aia botannaomata, n aron are e bon riai ni karaoaki nakoia.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 37:4

Ti butiiko b'a ko na tataro i bukiia aika a tiku ni maiu. E kanakoa ana mataniwi ni buaka uean Aturia ni kakaewenakoa te Atua. Tao e bon ongo te UEA te b'ai are e taekinna ao E na karaoa te b'ai teuana, ngkana ko tataro.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Itaia 44:21

Kaain Iteraera, bon au taani m'akuri ngkami; ma ngaia are, kam na uring b'aai aikai ni kabane. Iteraera, I karikingkami, ao bon au taani m'akuri ngkami. I bon aki m'aninga taekami.

Itaia 46:12

Kam bon taningabono ngkami aika aomata ao kam a kan reke n te kangaanga, kam na kakauongo nako iu.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”