Itaia 46:11 - Te B'aib'ara

¹¹ ao I karokoa temanna man te aba ae e raroa nako b'a e na karaoa te b'ai ae I tangiria. E buaka mai mainiku, kaanga te aoki ae e kiba rikaaki. Ao ngkai N na kakoroa bukin au berita ma ni karaoa te b'ai are I a tia ni iangoia.

Itaia 46:11 ပူးပေါင်းရင်းမြစ်များ

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Iobi 23:13

E aki kona ni bitaki; bon akea ae kona n rairia, ke ni katokia man karaoan te b'ai are E tangiria

Taian Areru 119:24

A kakukureiai am Taeka n reirei, ao a anganai naba taeka ni buobuoki.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 18:6

A na riki kaain Itiobia b'a kanaia ikaren taiani maunga i nanon tain te aumaiaki ao kanaia maan aika a aki manana i nanon tain te aumeaang.

Itaia 22:25

E a rangi ni nim ni matoa te b'ai ni katinetine anne, ma ane e na ioioaki ni kamatanaaki ma ni kab'akaaki n te bong teuana. Ao a na bane n uruaki b'aai ni kabane akana a tinetine iai. Bon anne ana berita te UEA ae Moan te M'aaka.

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 38:15

Bon akea te b'ai ae I konaa n taekinna ni kaekako, i bukina ngkoe ae ko karaoi baikai nako iu. E a oneaki maiu nakon ae e maai; ao N na aki nakonako raoi ni karokoa mateu.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Itaia 41:25

Boni Ngai ae te UEA ae I rinea te tia tautaeka are i meang; ao ngkai e a roko mai mainiku b'a e na neboa arau. E na toubekaia taiani uea kaanga te bokaboka, kaanga taani karaoi m'angko aika a toubekaa te bokaboka.

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 45:13

I a tia ni karaoa te b'ai ae e eti ngke I katokaa Tairati i aon te m'aaka, ao N na kanakoraoi kawai ni bane ake e na m'ananga iai. Bon te UEA Ngai ae Moan te M'aaka! E na manga katea au kaawa are e buubura Tairati ao e na kainaomataia au aomata n akea te b'ai teuana ae e kabooaki. Bon aei au taeka Ngai ae te UEA.

Itaia 56:9

Kam roko man te buakonikai, ngkami maan aika kam aki manana! Buakaniia ao kana konam nako.

Ieremia 44:28

Bon ti tabeman aika a na reke birinako ia n okira Iuta. Ao i mwiina, ane a na ataia ni kabane ake a nako ni maeka i Aikubita b'a ngkana I taekinna b'a iai te b'ai ae e na riki, ao e na bon riki-I aki tabe ma te b'ai ae kam taekinna.

Ieremia 50:29

Buakana B'aburon, aia taani katebe kairiribai; katea ami autinrianna ni katobibia te kaawa are e buubura, ao tai kabiri nakoa temanna. A kakaotinakoai, Ngai ae te Atua ae e Tabu, ma ngaia are, karaoa nakoina te b'ai are e karaoia nako ia kaawa aika a buubura ake tabeua.

Ieremia 50:44

B'aburon, N na buakaniko kaanga te raian man te rereua, ae e un nako ia tiibu i nanon te tawaana are i mataniwiin Ioretan. A biri nako te nanai n tiibu n te tai naba arei, ao akea naba kaain te aba. Antai ae N na rineia b'a e na buakaningkami? N na karaoia n ti Ngai! Bon akea ae e konaa ni kairoroai b'a N na buaka ke ni kakioai nako.

Ieremia 50:45

Ongora n Au babaaire i bukimi, kaain B'aburon. Ane a na uaakinaki nako natimi, ao e na kamaunaaki abami.

Etekiera 39:4

ao ko na kaai ni mate ma koraki akana i aon taiani maunga. Ao mannikiba ma maan aika a aki manana a na roko ni kang

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

M'akuri 5:39

ma ngkana mairoun te Atua, ao kam bon aki kona n urua aia botaki. Tai kumeia b'a kam kaawa n noraki iai b'a kam buakana te Atua. Ao a ira nanon ana taeka Kamariera.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 3:11

n ai aron nanona ma ngkoangkoa are E kakoroa irouni Kristo Iesu are ara UEA.

Te Kaotioti 16:12

Ao te anera are te kaonoman e kab'aroa kanoan ana boora i nanon te karaanga are ab'ab'aki are te Iuberetiti; ao e oora n akea ranna, b'a e aonga ni katauraoaki kawaia uea ake mai mainiku.