Itaia 45:8 - Te B'aib'ara

⁸ Kam na tuangiia taiani karawa b'a a na karuoa te kaetitaeka ae eti kaanga ai aron te maatim ni karau Katauraoa te aonnaba i bukin bwebweraken m'aakau ni kakamaiu b'a e na karekea te eti are I kariki Ngai ae te UEA.

Itaia 45:8 ပူးပေါင်းရင်းမြစ်များ

2.Uea 19:25

‘Tennakeriba, ongora ngkai irou ngai ae te UEA. I baairei b'aai aikai n taai aika a b'akanako. Ao ko bon aki roko naba n te ataia ae bon ti ngai ae I baaireia b'a ko na karaoi b'aai aikai. Bon ngai ae I karaoiko b'a ko na urui taiani kaawa aika a buubura aika a nonoaki.

Taian Areru 68:8

Ao e m'ainging aon te aba, ao e b'aka te karau, i bukin rokom Atuan Tinai, ae Atuan Iteraera.

Taian Areru 72:3

E bia roko marin aon te aba, ao e bia namakinaki te kaetitaeka ae eti.

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 48:18

Ai korakorara nanou n tangiringkami b'a kam na ongotaeka nakon au tua! E na riai n taorake n te karaanga ae e taonako ami tootokanikai ao tekeraoimi.

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 4:24

ao kam na riki b'a te aomata ae boou, are karaoaki b'a katotongan te Atua, ao ni b'aina te maiu ae itiaki ni koaua.