Itaia 45:7 - Te B'aib'ara

⁷ I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

Itaia 45:7 ပူးပေါင်းရင်းမြစ်များ

2.Uea 19:25

‘Tennakeriba, ongora ngkai irou ngai ae te UEA. I baairei b'aai aikai n taai aika a b'akanako. Ao ko bon aki roko naba n te ataia ae bon ti ngai ae I baaireia b'a ko na karaoi b'aai aikai. Bon ngai ae I karaoiko b'a ko na urui taiani kaawa aika a buubura aika a nonoaki.

Iobi 10:13

Ko karaoi b'aai akekei ni kabane, ma I ataia ngkai b'a Ko bon baaireia b'a Ko na kaikoakai.

Iobi 2:10

Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Taian Areru 105:28

E karooa aon te aba, ma a aki ongeaba n ana taeka.

Taian Areru 29:11

E kakorakoraia ana Aomata te UEA, ao E kakab'aiaia n te raoi.

Taian Areru 74:16

Ko karika te ngaina ma te bong; Ko kaaki nam'akaina ma taai ni neia;

Taian Areru 75:7

Bon te Atua ae motikitaeka, ni kabuakakaia tem'angina ao ni karaoiroia tabem'aang.

Taian Areru 8:3

Ngkana I tarataraa karawa are Ko a tia ni karaoia, ma nam'akaina ma itoi, ake Ko katikui ni nneia

Te Otinako 14:20

e roko i marenaia kaain Aikubita ma Iteraera. Ao e karooia kaain Aikubita te nang arei, ao e anga te oota nakoia Iteraera. Ma ngaia are, a aki kona ni kaaitibooia taanga ni buaka akekei n te tairiki arei ni karokoa te ngaina.

Itaia 31:2

E a aki baba te UEA! E karaoi baika e a tia ni berita iai ni kabane, ao e konaa ni karokoa te kangaanga. Ngkana ko bon buakaka naba, ao ko na bon kamaunaaki.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 31:35

Bon te UEA Ngai ae Moan te M'aaka. I tuanga taai b'a e na anga te oota ni katoa bong, nam'akaina ao itoi b'a a na oota n te tairiki, ao naao b'a a na rurunga.

Ieremia 51:20

Kaain B'aburon, bon Au aama ngkami; I kamanenaingkami n oroia botannaomata nako ma n urui taian abanuea,

B'aeb'aeti 3:38

E tautaekana te raoiroi ma te buakaka.

Etekiera 32:8

E na riki n roroo taiani karawa, ma ni karootongitonga abami. Bon aei au taeka Ngai ae te UEA.

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Ioera 2:2

E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Iuta 1:6

Ao anera ake a aki rauaki ni neia ni m'aka are a katauaki iai ma a kitan oini mwengaia, a kawakinaki i Rouna ni kabaeaki n taurekereke aika akea tokiia n te tabo ae rotongitong i m'ain te motiki-taeka n te bong are kakannato;