Itaia 45:3 - Te B'aib'ara

³ N na anganiko taiani kaub'ai aika a karabaaki n te roo ao n taabo aika a raba. Ao ane ko na ataia b'a boni Ngai te UEA ae Atuaia Iteraera, ae e a tia ni wetei ngkami n arami.

Itaia 45:3 ပူးပေါင်းရင်းမြစ်များ

2.Rongorongo 6:17

I butiiko b'a ko na kaawakina am berita ae ko karaoia ngkoa nakon am toro are Tawita.

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 33:17

Ma ngaia are, E taku te UEA nakoina, “N na karaoi b'aai n aron are kam a tia ni buubutiai iai, i bukina b'a bon raoraou ngkami ae I kukurei i roumi.”

Itaia 41:23

Anga te b'ai ni kakoaua b'a bon anti ngkami n taekin b'aai aika a na bon roko rimwi. Karaoa te b'ai teuana ae e raoiroi ke e buakaka, b'a ti aonga ni miimi iai ma ni maaku.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 48:15

Bon Ngai ae I rineiko. I a tia ni uotia man te tabo ae e raroa, ao e na tootokanikai.

Itaia 49:1

Kakauongo aomata ni kabane, e ngae ngkana kam mena n abaia ianena n taabo aika raroa nako i nanoni marawa. E rineai te UEA ao e anganai arau i m'aain bungiakiu.

Ieremia 41:8

E kamaiuia tengaun mm'aane mai buakoia, b'a a na anganganna taian uita, taiani b'aare, b'aan te oriwa, ao ana karewe te manibeeru ake a karabai i nanon te tawaana.

Ieremia 50:26

Kam roko mai keraroa, ngkami aika ana kairiribai B'aburon! Kab'arikoi taian uita man ana autinib'ai nako, ao kabuoki ni kabane, n reitaki ma b'aai ni kabane.

Ieremia 50:37

Ao i mwiina, a na rawa n ira te buaka aotin ami kaanibuaka ma ianena akana i buakoia ami taanga ni buaka, ao a na uotaki nako ni kabane akana kam kaawakin b'a kaub'aimi irouia ami kairiribai.

Ieremia 51:13

Kaain B'aburon, kam maeka i mataniwiin te Karaanga are Iuberetiti ao kam katobibiaki n taiani kanare. Kam kaub'ai, ma e a roko te tai are kam na mate iai.

Ieremia 51:53

E ngae ngke a roota karawa oon nako B'aburon, ma e na urua te kaawa ae e buubura aei te taanga ni buaka ae N na karokoa. Bon aei Au taeka Ngai ae te UEA.