Itaia 45:24 - Te B'aib'ara

²⁴ A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 45:24 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Taian Areru 110:2

Ane E na karababaa nako m'aakam n uea te UEA mai Tion. Ko na tautaeka i aoia am Kairiribai.

Taian Areru 71:16

N na nako ni korakoran te Atua ae te UEA; N na tataekina taekan am M'akuri aika raraoi, aika ti am M'akuri.

Taian Areru 72:9

Ane a na bobaraaki i matana ni karinea akana maeka n te rereua; Ane a na tae aia kai taan ribaia.

Taian Areru 89:17

Ko anganira te korakora are ti na kona iai n tokanikai i aoia aiara; Ko katokanikaira i bukina b'a Ko tangirira.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 41:11

A na bane aika ribaiko ni kam'aitaki mamaaia; ao akana a buakaniko a na mauna nako i nanon te ang.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 60:9

A tataningaai Ngai ae te UEA ami aomata n abam'akoro aika a raroa nako. A kaira te kawai kaibuke ni m'am'ananga i bukin kaokaia nakon aia auti ma aia tirewa ao aia koora. Boni Ngai ae te UEA ae I karaoa aei i bukin karineaia ami aomata, b'a aonga ni karineai.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Ab'akuka 3:19

E anganai korakorau te UEA. E karaoi waeu b'a ana aki marannako n ai aron waen te ria, ao E kawakinai raoi i aon te maunga.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Tekaria 12:5

Ao ane a na ataia te baronga are Iuta ae bon Atuaia Ngai ae te UEA ae Moan te M'aaka, ao boni Ngai oin korakoraia.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Ruka 13:17

Ngke E atongi baikai, ao a bane ni mamaa te koraki ake a ribaia, ao a bane ni kim'areirei aomata ni b'aai ni kabane ake a moa n raraoi ake a karaoaki i Rouna.

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

Ioane 12:32

ao Ngai, ngkana I kateaki rake mai aon te aba, ao N na katiki nanoia aomata ni kabaneia b'a a na nako iu.”

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

I-Biribi 4:13

I konai b'aai ni kabane ni kaitarai iroun Teuare kakorakoraai.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.