Itaia 45:23 - Te B'aib'ara

²³ I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 45:23 ပူးပေါင်းရင်းမြစ်များ

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

Neemia 10:29

Ma ngaia ae, ti anga ngaira nako aan ana kamaraia te UEA ae Atuara, ngkana ti a manga aki ongotaeka naba nakon ana tua ao ana reirei ake ti anganaki iroun ana toro are Moote.

Taian Areru 132:2

Te UEA, Ko na uringa ana taeka are kab'aka nakoim, are ana taeka ni bau, ngkoe ae te Atua ae M'aaka ae Atuan Iakob'a:

Taian Areru 63:11

Ma e na kim'areirei te uea iroun te Atua; Ao a na kamoamoaa akana taetae n tuea n arana; Ma a na kainaki wiia akana atoatonga te kewe.

Taian Areru 98:2

E katanoata taekan ana tokanikai te UEA; E kaota m'akana b'a e na ataaki irouia botannaomata nako.

Itaia 21:17

A na ti tabeman nikiraia aia taani buaka ma aia kainikatebe ao aia kanoa nikatebe. Bon te berita te b'ai aei ae I a tia ni karaoia Ngai ae te UEA ae Atuan Iteraera.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Itaia 49:18

Noora rarikim nako! Ko na noori aomata aika a tabe n okira mwengaia. B'a ngkai I bon maiu, Ngai ae te UEA, ao I berita b'a e na rangi n taatangiraki n ai aron te kainrou te aine ae e taabianna ni bai ni katamaroa.”

Itaia 55:11

Ao ai anne naba aron au taeka nako. A aki konaa n okirai ngkana a aki karaoa te b'ai are I kanakoia iai b'a a na karaoia.”

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Rom 11:4

Ma e kangaa ana taeka te Atua nakoina? E kaangai, “Iai au aomata aika 7,000 aika I katikuia, aika a aki taromauria B'aara.”

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

I-Biribi 2:10

b'a a aonga ni bane te koraki ake a mena i karawa, ma ake i aon te aba, ma ake i aan te aba, ni katorobubua ni karinea aran Iesu;