Itaia 45:20 - Te B'aib'ara

²⁰ nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 45:20 ပူးပေါင်းရင်းမြစ်များ

2.Rongorongo 25:15

E rangi ni kauna te UEA te m'akuri aei, ao e kanakoa te burabeti b'a e na titirakina Amatia ni kaangai, “E aera ngkai kam taromaurii antiia ianena aikai aika a aki konaa ni kamaiuia ake bon oin aia aomata man buakanakiia?

2.Rongorongo 28:23

E taku i bon i rouna, “A tia ngkai antin Aturia ni buokiia aia uea ni kataenikaiai. Tao ngkana I angakarea nakon taian anti aikai, ao a na bae ni buokai.” Bon anne te bure are e a kab'aka Aati, ao ni karokoa naba uruan Iuta.

Taian Areru 115:8

Ni kabane aomata ake a karaoi bouannanti ma n onimakin bon akea uaaia kanga ai aroia bouannanti ake akea uaaia.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 41:21

Bon te UEA Ngai ae Atuaia Iteraera! Nakomai kaetieti ma Ngai. Kaoti am b'ai ni kakoaua.

Itaia 43:9

Tuangiia botannaomata ni kabane b'a a na ikotaki. Bon akea mai buakoia ae e konaa n taetae ni kaangai, “Antai ae e tuangingkami!” Ngkana iai ae e ongo b'a a taekina te baei, ao tuangiira taekana n te tai aei.

Itaia 44:10

E aera ngkai kam karaoa te bouannanti ke bannan te b'ai teuana ae e aki konaa ni karaoa te b'ai teuana?

Itaia 44:9

Bon akea manenaia aomata aika a kaakaraoi taian bouannanti, ao taian bouannanti aika a kariki b'a kaub'aia boni baika a akea maneia. A matakii, akea kanoan aia iango, ao a baba taan taromauri taian bouannanti.

Itaia 46:1

A b'aka i aoni waeia, te anti are Bere ao Nebo ngke a uotaki nako bannaia ake taiani kai i aoia maan aika a korakai.

Itaia 48:14

Bootaki i rarikiu, ngkami ni kabane! kakauongo nakon te b'ai ae N na taekinna. Iai mairouia ami bouannanti aika a kaman taekinna b'a a na riki baikai? A taekinna b'a e na karaoa te b'ai ae a tangiria raoraou nakon ae N na karaoia nakon B'aburon?

Itaia 57:13

Ko na bubutiia am bouannanti akanne b'a a na buokiko ngkana ko a reke n te kangaanga. Taratara raoi, e ti ukaki teutana n angin te wii ao e a ubaranako naba. Ma ngkana ko nako mai nako iu ni kamanoko irou, ao e na riki te aba aei ao au Maunga ae e Tabu aei b'a am b'ai n aki toki.

Ieremia 10:14

A rangi n nanobaba aomata aika a karaoi taian bouananti! A na b'ara nanoia i bukina b'a a bon aki maiu antiia ni kewe.

Ieremia 10:5

Bon ti te bo te bouannanti ma b'ain kakamaakaia maan. E bon aki konaa n taetae, ao e na bon ti uouotaki. b'a e aki konaa n nakonako. E aera ngkai e taromauriaki te bouannanti ae e aki konaa ni buobuokingkami ke ni kaikoakingkami?

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 48:13

Ao i mwiina, kam na mamaa i bukina ngke e aki konaa ni kamaiungkami antimi are Kemoti, n aron Betaera ae e aki konaa ni buokiia Iteraera.

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

I-Ebeto 2:16

E raoiakiniia botannaomata aika uoua nakon te Atua ni matena n te kaibangaki, ao a riki b'a te rab'ata ae ti teuana, ao E urua aroia n riribai.