Itaia 45:19 - Te B'aib'ara

¹⁹ E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Itaia 45:19 ပူးပေါင်းရင်းမြစ်များ

1.Rongorongo 28:8

Ngkami aikai ni kabane, bon ana aomata te UEA, ao ngkai, e riki te UEA b'a te tia kakoaua, ao I tangiria b'a kam na berita b'a kam na karaoa ami kabanea n tamaroa n iri nanon b'aai ni kabane ake E a tia ni baaireia te UEA ae te Atua nakoira. Ao e na riki iai te aba aei b'a ami b'ai n taai nako ao nako ia naba ami kariki.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Etira 8:22

I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 24:6

i bukina b'a e taromauria Atuan Iakob'a ao e toro i rouna.

Taian Areru 69:13

Ma ngai, N na tataro nakoim, te UEA; Ko na kaekaai, te Atua, n am Tai are Ko taku. Ko na kaekaai ni m'aitin am Tangira, ngkai ko kawakina am berita ni koauan am Kamaiu.

Taian Areru 69:32

Ane a na kukurei akana a b'ainikirinaki ngkana a nora kamaiuau; A na kauungaki nanoia akana taromauriko.

Taian Areru 78:34

N taai ake E kamateia iai tem'angina i buakoia, Ao a rairaki ngkanne ake nikiraia nakoina; A raraoma ao a tataro ma nanoia ni koaua nakoina.

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Taeka n Rabakau 1:21

Kaanga te aine ae e takaarua n taabo ni boob'ai ao i rarikin mataroan te kaawa ae e kaangai nakoia aomata,

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 30:5

A bane ni koaua b'aai ni kabane aika e taekin te Atua ao bon te otanga i bukiia aomata nako aika a roko nakoina i bukin kamanoaia.

Taeka n Rabakau 8:6

Ongora, b'a a rangi ni boongana b'aai aika I taekin.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 43:12

I berita b'a N na kamaiungkami, ao I kaawakina au berita. Bon au taani kakoaua ngkami b'a bon akea riki te anti temanna ae a tia ni karaoa aei. Bon aei au taeka Ngai ae te UEA.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 45:25

Bon te UEA Ngai, ae e na anga te tokanikai ao te karineaki nakoia Iteraera.”

Itaia 48:16

Kaaniko ao kakauongo! I tuai man karabai b'aai aika I a tia n taekin, ao I a kaman mena ikai i m'aain waakin te tai. E a tia ni kanakoai te UEA ae te Atua ni m'aakan te Tamnei are Raoiroi.

Itaia 63:1

Antai ae aei ae roko mai Botira i Etom ma kunnikaina ae e kakiriurauraaki? Antai te aomata ae e kakannato aei ae e m'ananga ma ana kaboraoi ae e mimitong?

Itaia 65:9

I a tia n rineia aomata aika Iteraera ao Iuta, N na kakab'aiaia ma kaain aia baronga. Ana maeka ikai n aaba aika maungaunga. ao ana riki b'a aia b'ai.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Amota 5:4

E taku te UEA nakoia Iteraera, “Nakomai ao kam na maiu.

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.

Ioane 7:26

Noria, E taetae i mataia aomata, ao a aki taetae nakoina aia mataniwi I-Iutaia. Tao a bon ataia ae te Kristo Teuaei?

Ioane 7:28

Ma ngaia are, ngke E reirei Iesu n te Tembora, ao E kanenea b'anaana ao E taku, “Kam ataai, ao kam ata naba te tabo are I nako mai iai? Ma I aki nako mai n oin nanou. Iai iroun Teuare kanakomaiai, are kam aki ataia, bon te onimakinaki raoi.

Te Tua-Kaua 29:29

E a tia ni kaota ana Tua te UEA ae Atuara nakoira, ao ti na riai n ongotaeka iai n taai nako ma kanoara, ma bon iai naba b'aai aika E tuai kaoti nakoira.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Iakobo 4:3

Kam bubuti, ao kam aki anganaki, b'a kioina ngkai kam bubuti n te aro ae aki riai, b'a kam na bakataei ami b'ai i bukin nanomi aika naano n aonnaba.