Itaia 45:18 - Te B'aib'ara

¹⁸ Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 45:18 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Karikani B'aai 1:2

ao e tuai karaoaki aon te aonnaba, ao akea te maiu iai. E rabunaki aonnaba n te marawa ae rotongitong ma ni kakamaaku, ao E m'am'akuri Tamnein te Atua i aoni marawa.

Karikani B'aai 1:26

Ao i mwiin arei, ao E a manga taku te Atua, “Ao ngkai ti nang karaoia aomata; a na riki b'a aekakira. A na tautaekaniia ika, mannikiba ma maan ni kabane aika manana ma aika aki manana aika buubura ma aika uarereke.

Karikani B'aai 1:28

ao E kakab'aiaia, ao E taku, “Karikiia natimi aika m'aiti, b'a a aonga ni kaona te aonnaba kanoami ma n taua taekan te aonnaba. I anganingkami te tautaeka i aoia ika, mannikiba, ma maan ni kabane aika aki manana.”

Karikani B'aai 9:1

Ao E kakab'aiaa Nooa te Atua, ma natina mm'aane, ao E taku, “Karikiia natimi aika m'aiti b'a a aonga ni maekana te aonnaba ni kabane kanoami.

Taian Areru 115:16

Ana b'ai karawa te UEA n ti Ngaia, ma E anga aonnaba nakoia aomata.

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Ieremia 51:15

E kamanenaa wanawanana te Atua ao m'aakana ni karika te aonnaba ao n taakin taiani karawa.