Itaia 45:14 - Te B'aib'ara

¹⁴ au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 45:14 ပူးပေါင်းရင်းမြစ်များ

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

2.Tamuera 21:20

Ao iai riki naba te buaka teuana ma kaain Biritia i Kata. Iai temanna te tautia ae kanoan Rebaim. E bon rangi ni korakora kaanga te aintoa ao boni kakaonoua tabon baina i aoni baina ni kauaai ao kakaonoua naba taboni waena i aon waena ni kauaai.

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Iobi 1:15

ao a karina naba n roko I-Teba ni buakaniira ma n anai taiani kao ma aati ni kabane. A tiringiia am taani m'akuri ni kabane, ao bon ti ngai nikiraia. Bon ti ngai are I biri nako b'a N na tuangko.

Iobi 11:19

Ko na aki maakuia am kairiribai; a na m'aiti aomata aika na bubuti buokaia mairoum.

Taian Areru 149:6

A na kanene b'anaaia ngkana a kamoamoa te Atua, ma kabaang aika kakang wiia i nanoni baiia

Taian Areru 149:8

A na kabaeia aia uea n taurekereke, ao aia mataniwi ni b'ai ni kabaebae aika biiti;

Te Otinako 11:8

Ao e kabanea ana taeka Moote ni kaangai, “A na bane n roko am mataniwi nako iu ni boobaraaki i matau, ao a na buubutiai b'a N na kairiia nako au aomata ma ni m'ananga nako. Ao i mwiin anne, I a m'ananga nako.” Ao i mwiina, e kiitana te uea Moote ma te marakinnano.

Itaia 10:33

Ma e na kabonganaa korakorana ae e kakamaaku te UEA ae Moan te M'aaka ni kab'akai taian aroka aika a rangi n rietaata mani koroi m'aanga ni kabane.

Itaia 18:1

E wene te aba ae Aikubita i tinanikun karaangan nako Itiobia, ao e onrake aona n taian m'ata ao maan aika a uarereke.

Itaia 18:7

A ab'ab'aki rab'ataia kaain Itiobia aikai ao a maranran kuniia. A maakaki ni kabutaa te aonnaba, i bukina b'a a korakora ao a iowawa. Ma n te tai arei ane a na roko man abaia aika a m'akorokoro n taiani karaanga, ao a na uoti taiani b'aintangira nakon te UEA ae Moan te M'aaka, are e taromauriaki i aon te Maunga are Tion.

Itaia 19:21

E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Itaia 19:22

Ane a na rairaki aomata nakoina, ngkana e a tia te UEA ni katuaaea Aikubita. Ao i mwiina, e na kaekaa aia tataro, ao a na kamaiuaki kaain Aikubita.

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 60:3

A na roko botannaomata nako ma uea nako nakon ootan karaangainan ami bong.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Etekiera 23:42

E aki toki ni kakarongoa aia ruu ni b'anaaia te koraki ni manging aika a roko man te rereua. Mm'ane aikai, a anganganiia aine taian m'ae n roroa ao baunuea aika a tamaroa,

Etekiera 31:3

Iai ngkoa te kai ae te tiira i Reb'anon iai m'aangana, aika a rangi ni korakora aika a roota karawa.

Ioera 3:8

N na anga natim m'aane ma natim aine nakoia kaain Iuta, ao a na kabonakoia nakoia Tebean, aika a maeka i Kiraroa. Bon aei au taeka Ngai ae te UEA!

Warekaia Iteraera 13:32

Ao a maningongoa te rongorongo ae kaangai, “Ti aki kona n ununiki ikekei b'a e mate tanona, ao aomatana bon taian aintoa.

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.