Itaia 45:1 - Te B'aib'ara

¹ Ao e taku te UEA nakon Tairati, are e rineia: I a tia n taua baim te atai ni buokiko ni kataenikaia taiani botannaomata ao ni kanakoia taiani uea man m'aakaia. E na uki mataroan taiani kaawa nakoim; ao akea ae e na kainaki.

Itaia 45:1 ပူးပေါင်းရင်းမြစ်များ

1.Uea 19:15

Ao E taku te UEA: Eria, ko konaa ni manga okira te rereua are i rarikin Tamateko. Ao ngkana ko roko ikekei, ao rinea Ataera b'a e na uea i aon Turia.

Etira 1:1

N ririki ake ngkoa, ao te UEA e kanakoa Ieremia ma rongorongon te berita b'a a na kainaomataaki Iteraera mai B'aburon i mwiin itibwi te ririki i bukiia Iteraera. Ao n ana moan ririki Tairati ni uea i aon Botia, ao e kakoroa nanon ana berita te UEA ngke e karekea Tairati b'a e na kanakoa ana rongorongo ae e taabangaki ataakina ni kabutaa m'akoron nako abanueana:

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Iobi 12:21

E kamamaaia aomata aika taui taian nakoa aika rietaata, ao E katoki korakoraia taan tautaeka.

Taian Areru 73:23

Ma ae I bon memena naba i rarikim n taai nako, Ao Ko tautaua baiu.

Itaia 13:2

Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

Itaia 13:3

E a tia n tuangiia ana tautia aika a bane aroia ao ana Aomata aika a kakannato b'a a na kaota aron unna.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Itaia 41:25

Boni Ngai ae te UEA ae I rinea te tia tautaeka are i meang; ao ngkai e a roko mai mainiku b'a e na neboa arau. E na toubekaia taiani uea kaanga te bokaboka, kaanga taani karaoi m'angko aika a toubekaa te bokaboka.

Itaia 42:6

I rineiko b'a ko na uota te eti, ao I mena ikai i rarikim. I rineiko ao I kanakoko b'a ko na uota te oota ao au berita i bukin te kaantaninga nakoia botannaomata ni kabane.

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Itaia 48:15

Bon Ngai ae I rineiko. I a tia ni uotia man te tabo ae e raroa, ao e na tootokanikai.

Ieremia 27:6

Boni Ngai ae I baaireia botannaomata aikai ni kabane nako aan m'aakan Au toro, ae Nebukaneta ae Uean B'aburon, ao I bon karaoia naba maan aika a aki manana b'a a na m'akuri i bukina.

Ieremia 43:10

Ao i mwiina, ko na tuangiia b'a bon Ngai ae te UEA ae Moan te M'aaka ae Atuaia Iteraera, ae I kanakoa Au tia m'akuri, ae Nebukaneta ae kaain B'aburon. N na karokoa ikai mani karaoia b'a e na katea ana kaintokanuea ma ana autinrianna n uea i aon atiibu aikai, aika I a tia n tuangko b'a ko na tauni.

Ieremia 50:3

E na roko mai meaang buakanakiia kaain B'aburon; a na kaai ni biri nako ma aia man, ma ni katuka te aba ma akea kaaina.

Ieremia 50:35

I a tia ni katanoataa buakanakim, am mataniwi, ao am taani iango nako.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

Ieremia 51:58

A na tabwenaua oon te kaawa ake a matenten, ao a na bane ni bue mataroana ake a totoakaei. A na aetorake b'a te bubu b'aai ni kabane ake a tia ni m'akuri korakora i bukin karekeaia.

Etekiera 29:20

E na riki Aikubita b'a kaniwangana, i bukina ngke e a tia n iri au babaaire ngaia ma ana taanga ni buaka. Bon aei au taeka Ngai ae te UEA ae te Atua.

Taniera 5:6

E mainarake te uea ao e rangi ni maaku n te aro are a ruru waena.

Taniera 7:5

Ao te kauoua ni man, kaanga ai aron te bea are e tei i aoni waena ake mai buki. Ao e tenai tennai te rii i nanoni wiina, ao e taku te b'anaa nakoina, “Waaki nako, kana te iriko n aron tokin am konaa!”

Taniera 8:3

Ao I noora te tiibu m'aane ae uaai korona aika a ab'ab'aki, ao e anaanau man boou riki korona are teaina nakon are teaina.

Taniera 8:4

I tabe n tarataraa te tiibu m'aane arei ngke e butubutu ni wairio, nakoiang, ao n nakoaiaki. Ao bon akea ae e konaa ni kaitaraa, ke ni maiu mai rouna. E karaoa are e bon taku, ao e rikirake ni kainikatonga.

Naum 2:6

A uki mataroa ake i rarikin te karaanga, e a on te bareti ni b'aai aika a kakamaaku.

Naum 3:13

Am tautia kanga ai aroia aine, ao abam a na kona n tuukia aiana. E na urui biiti ake i aon ami mataroa nako te ai.