Itaia 44:9 - Te B'aib'ara

⁹ Bon akea manenaia aomata aika a kaakaraoi taian bouannanti, ao taian bouannanti aika a kariki b'a kaub'aia boni baika a akea maneia. A matakii, akea kanoan aia iango, ao a baba taan taromauri taian bouannanti.

Itaia 44:9 ပူးပေါင်းရင်းမြစ်များ

2.Uea 19:18

A urui taiani bouananti ake taiani kai ao taian atiibu ake a karaoi aomatan taian botannaomata aikai man taromaurii.

Taian Areru 115:4

A karaoaki atuaia man tirewa ma koora irouia aomata.

Taian Areru 115:8

Ni kabane aomata ake a karaoi bouannanti ma n onimakin bon akea uaaia kanga ai aroia bouannanti ake akea uaaia.

Taian Areru 135:18

A bia riki n ai aroia bouananti aomata akana karaoi bouananti akanne ma n onimakin.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 41:24

Bon akea boonganami ngkami aika taian bouannanti, bon akea m'aakami. E na riki b'a te b'ai ae e rangi n ribaaki taromauriakimi.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 42:17

A na bane aomata aika a taromauriia taian bouannanti b'a kaanga antiia ni kamamaaeaki n ae moan te korakora.

Itaia 42:18

Kam bonotaninga ao kam matakii ngkami aika aomata, ma e tuangngkami te UEA b'a kam na kakauongo ma n taratara.

Itaia 43:8

Ikotiia au aomata. Bon iai mataia ao taningaia, ma a aki konaa n ongo ke n noraaba.

Itaia 43:9

Tuangiia botannaomata ni kabane b'a a na ikotaki. Bon akea mai buakoia ae e konaa n taetae ni kaangai, “Antai ae e tuangingkami!” Ngkana iai ae e ongo b'a a taekina te baei, ao tuangiira taekana n te tai aei.

Itaia 44:11

Aomata ni kabane aika a karaoi taiani bouannanti ma koraki akana a taromauri bon aomata aika tokiia bon te b'arannano ae e kananokawaki. Kanakomaia b'a a na kaitaraai n te kabowi n ruru ni maaku.

Itaia 44:18

A matakii ao a nanobaba koraki aika a taromauri taian bouannanti!

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 45:16

Aomata nako akana a karaoi taiani bouannanti a na bane ni kamangaongaoaki aia iango ao a na kamaamaaeaki.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 57:12

Tao ko taku b'a ko rangi n raoiroi, ma N na kaota te koaua.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Ieremia 2:26

Kam rangi ni kamaamaaeaki riki ngkami ma ami taani kairiiri nako ia aomata aika a kimoatoo kam taromauri bouananti aika atiibu ao boua aika a tabu

Taniera 11:38

Ma e na onimakina te anti are e kakawakini taian nono. E na anga te koora ma te tirewa, ma atiibu aika a kakawaki, ao b'aai n tangira riki tabeua aika a kakawaki nakon te anti are a aki tataromauria ana bakatibu.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

I-Rom 1:22

A taku b'a a rabakau, ma a nanobaba;

1.I-Korinto 8:4

Ma ngaia are i bukini ngkanne kanakin am'arake ake karea nakoni bouannanti, ao aei taekana: ti ataia b'a akea te bouannanti ae maiu i aonnaba, ao bon ti temanna te Atua ni koaua, ao akea riki.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

Te Tua-Kaua 4:28

Ao ikanne, ike kam na rairaki iai n taromauria iai taian atua aika karaoaki man te kai ao te atiibu, ao bon tiaki oini b'ai baikai b'a bon ti taian bouananti aika a aki noraaba ke ni kakauongo, ke n aroboi.