Itaia 44:23 - Te B'aib'ara

²³ Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 44:23 ပူးပေါင်းရင်းမြစ်များ

1.Rongorongo 16:31

Tuangiia taiani karawa ma aonnaba b'a a na kukurei ma ni bukamaruia! Katanoata nako ia botannaomata, “E uea te UEA!”

1.Rongorongo 16:32

Tuanga marawa b'a a na rurunga ma baika a maiu ni kabane iai ao taian tawaana b'a a na kukurei ma arokan nanoia ni kabane.

1.Rongorongo 16:33

Ane a na bane arokan te buakonikai n anene ni kukurei nakon te UEA E a roko b'a e na motikitaekaia aomata ni kabane n te aonnaba.

Taian Areru 148:7

Kam na kamoamoa te UEA mai aonnaba, ngkami baika maiu aika kakamaaku i marawa ma ngkami aika marawa aika nano;

Taian Areru 148:9

Kam na kamoamoa ngkami taian tabuki ma maunga ma kaai aika uaa ma kaai n te buakonikai;

Taian Areru 65:13

A on aon taabo ake a maiureirei uteute iai n nanai n tiibu; Ao a kebo nanoni m'arua n uita. A riki b'a kanga ai aroia aomata ake a bane ni kanene b'anaaia n anene ni kakatonga.

Taian Areru 69:34

Ke e kamoamoaa karawa ma aonnaba, ma marawa, ma kanoana aika baika kakam'akuri.

Taian Areru 69:35

B'a E nang kamaiua Ierutarem, Ao E na manga katei kawan nako Iuta. A na maeka ana Aomata ikekei ao a na abana te aba;

Taian Areru 89:13

Ai m'akara Ngkoe! Ai kamakuraa korakoram!

Te Otinako 18:9

Ao e rangi ni kukurei Ietero ngke e ongo baikai,

Itaia 12:5

Ti na anenea neboam i bukin am m'akuri aika a kamimii n taabo nako n te aonnaba aio.”

Itaia 26:15

E a tia n rikirake ara botannaomata i bukim, te UEA ae te Atua. A m'aiti riki abara nakon ake mai m'aaina, ao ko karineaki.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:7

Bon au aomata I karikiia n tatabemaniia nako b'a a na karineai.”

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:3

E taku te UEA nako iu, Iteraera, bon au tia m'akuri ngkoe; N na bon rangi ni karineaki i bukim.”

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 31:11

N na kamaiuia mairouia aia kairiribai ake a na konaa ni kab'akaia.

Ieremia 51:48

ngkana e a buaka te taanga ni buaka mai meaang ma ni karokoa te urub'ai. Ao i mwiina, a na kukurei aonnaba ma taiani karawa ma b'aai ni kabane ake iai.

Etekiera 35:14

A na bane ni karaoa aia bootaki ni kukurei aomata n te aonnaba ngkana I kamaunanakoko,

Etekiera 36:1

E taku te UEA: Etekiera ae natin te aomata, ko na tuangiia maungan nako Iteraera

Etekiera 36:8

A na rikirake aroka i aon maungan nako Iteraera ao a na kariki uaa i bukiia Au aomata, b'a a nang okira mwengaia n te tai ae aki maan.

Etekiera 39:13

A na bane aomata ni buobuoki n tauniia maate, ao a na karineaki i bukin te baei n te bong are e na nooraki iai raneanean mimitongiu.

I-Ebeto 3:21

ana b'ai te neboaki n te ekaretia ao irouni Kristo Iesu man te rorona nakon te rorona ao n aki totoki. Amen.

I-Ebeto 4:9

Ao tera nanon ae E rierake? Iai nanona ti ngkana E a tia n ruo moa nakon taabo i nano i aan te aba.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.