Itaia 44:17 - Te B'aib'ara

¹⁷ Ao i mwiin, anne e bobaraaki n taromauria te bouannanti te kai. ao e taku, “Kaawakinai, bon antiu ngkoe.”

Itaia 44:17 ပူးပေါင်းရင်းမြစ်များ

1.Uea 18:26

Ao a rinea aia kaom'aane ana burabeti B'aara ao a katauraoia, ao a tataro nakoni B'aara ni kabanea te ingabong arei ni butiia b'a e na kauraa ain aia karea. A ruruoia ni katobibia aia baonikarea ao a tatakarua ni kaangai, “Kaekaira B'aara!” Ma bon akea kaekaakiia.

1.Uea 18:28

Ao a tatakarua ana burabeti ao a korokoroi rab'ataia n taiani kabaang ma taiani biti ni karokoa ae a raraabuabua. Ao anne aroia n tataro,

Itaia 2:8

A taromaurii taiani bouannanti aika a tia ni karaoi n taabo nako i nanon te kaawa.

Itaia 37:38

Ao n te bong teuana e tabe n taromauri n ana tembora antina are Nitiroka, ao a roko naba natina m'aane ake uoman ake Aterammereka ao Tiaretera n tiringnga n aia kabaang. A biri nako nakon te aba are Ararata, ao e a manga uea natina te m'aane are Etaraaton.

Itaia 44:15

A kamanenaaki tabeua taiani kai i bukin ain te kabuebue ke te kuuka. E karaoaki m'akoron te kai teuana b'a te bouannanti, ao e boobaraaki te tia korobanna n te kai nako iai ao e taromauriia.

Itaia 44:16

E kukurei nanona n te ai ae kabuebue ao te irikomaiu are e tinimaki iai i aon taian kooro aika a kabuebue.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Taniera 6:27

E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Mika 5:12

N na urui m'aakan am tabunea ake ko tabuneaiko iai, ao N na katikuko b'a te tabo ae akea te tia kaiwa iai.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

M'akuri 19:27

Iai ngkanne te kangaanga ae na reke nakon ara m'akuri aei, b'a e nang aki kubaraki. Ma tiaki ti ngaia, ma iai naba te kangaanga ae na reke nakon um'antabun te anti are kakannato are Nei Aritemito, b'a e nang kakeaki bonganana; ao Nei Aritemito, are taromauriaki i Atia ao i aonnaba, e nangi mauna kakannatona!