Itaia 44:14 - Te B'aib'ara

¹⁴ E na rineaki man te buaka tao te aroka te tiira, te m'aiango, te oke, ke aekaki n aroka tabeua. Ke tao bon te aroka te m'aiango ae e unikaki irouia taani korobanna n te kai ao e tebotebokaki n te karau.

Itaia 44:14 ပူးပေါင်းရင်းမြစ်များ

Itaia 40:20

Ke e na rineaki te aekaki ni kai ae e raka arona i bukina b'a e aki mka ao i mwiina e a karaoaki raoi ni baai aika a bairaoi ni karaoa te bouannanti ae e na aki konaa ni b'aka.

Itaia 44:13

Taani m'akuri n te kai tabem'aang a baairei taiani m'akoro ni kai, ao i mwiina, a korea aia m'aake i aona. Ao e a kenaki te kai ma te karaurau nakon tamneina ni koaua. Ao ngke e a tia ao e a riki b'a kaanga taraan te aomata ao e a karinaki i nanon te Tembora.

Itaia 44:15

A kamanenaaki tabeua taiani kai i bukin ain te kabuebue ke te kuuka. E karaoaki m'akoron te kai teuana b'a te bouannanti, ao e boobaraaki te tia korobanna n te kai nako iai ao e taromauriia.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.