Itaia 44:11 - Te B'aib'ara

¹¹ Aomata ni kabane aika a karaoi taiani bouannanti ma koraki akana a taromauri bon aomata aika tokiia bon te b'arannano ae e kananokawaki. Kanakomaia b'a a na kaitaraai n te kabowi n ruru ni maaku.

Itaia 44:11 ပူးပေါင်းရင်းမြစ်များ

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Itaia 1:29

Kam na mamaa n te buakonikai ae e uarereke are kam taataromauri iai taiani bouannanti.

Itaia 42:17

A na bane aomata aika a taromauriia taian bouannanti b'a kaanga antiia ni kamamaaeaki n ae moan te korakora.

Itaia 44:9

Bon akea manenaia aomata aika a kaakaraoi taian bouannanti, ao taian bouannanti aika a kariki b'a kaub'aia boni baika a akea maneia. A matakii, akea kanoan aia iango, ao a baba taan taromauri taian bouannanti.

Itaia 45:16

Aomata nako akana a karaoi taiani bouannanti a na bane ni kamangaongaoaki aia iango ao a na kamaamaaeaki.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Ieremia 10:14

A rangi n nanobaba aomata aika a karaoi taian bouananti! A na b'ara nanoia i bukina b'a a bon aki maiu antiia ni kewe.

Ieremia 51:17

A nanobaba aomata aika a karaoi taiani bouannanti! Ane a na b'ara nanoia, i bukina b'a a aki konaa n ikeike antiia.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Te Tua-Kaua 4:28

Ao ikanne, ike kam na rairaki iai n taromauria iai taian atua aika karaoaki man te kai ao te atiibu, ao bon tiaki oini b'ai baikai b'a bon ti taian bouananti aika a aki noraaba ke ni kakauongo, ke n aroboi.