Itaia 43:5 - Te B'aib'ara

⁵ Ko na aki maaku b'a I raoniko. N na ikotingkami mai mainiku ao maeao.

Itaia 43:5 ပူးပေါင်းရင်းမြစ်များ

Taian Areru 106:47

Te UEA ae Atuara, kamaiura, ao kaokira mai buakoia botannaomata, B'a ti aonga n anga ara katituaraoi ma ara nebonebo nakon aram ae tabu.

Taian Areru 107:3

Ake E kaokiia man taabo nako: mai mainiku ao mai maeao, mai meaang ao mai maiaki.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 41:9

I uotiko nako ikai man iteran te aonaaba ae e raroa nako ao I kaangai, “Bon au tia m'akuri ae e rineaki ngkoe ae I aki konaa ni m'aninga taekam.”

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 44:2

Bon ami tia karikib'ai Ngai. I tararuaingkami ngke kam tuai naba bungiaki. Iteraera, kam na aki maaku! Bon au tia m'akuri ngkami ae kam rineaki, maamaten nanou.

Itaia 49:12

Ao i mwiina, a na oki au aomata man aaba aika a raroa mai meang ao maeao ao man te kaawa ae e buubura are Tiene.

Itaia 49:18

Noora rarikim nako! Ko na noori aomata aika a tabe n okira mwengaia. B'a ngkai I bon maiu, Ngai ae te UEA, ao I berita b'a e na rangi n taatangiraki n ai aron te kainrou te aine ae e taabianna ni bai ni katamaroa.”

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Ieremia 23:7

E na roko te tai are kam na manga taromauriai iai. Ma kam na aki manga aranai b'a te Atua ae E Maiu are e kamaiuia Iteraera mai Aikubita.

Ieremia 23:8

Ma kam nang aranai, b'a te Atua ae e Maiu are e kamaiungkami man te aba are i meang ao man aaba nako ake tabeua ake I a tia ni kairoroingkami b'a kam na nako iai. Ao kam na manga maeka riki ni bon oin abami.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 42:11

Kam na aki maaka Uean B'aburon. N na kamanoingkami mai rouna,

Ieremia 51:46

Kam na aki maaku ke ni kabuai ami kaantaninga, e ngae ngke iai taian maningongoo ae taekaia taani kairiiri i bukin kairan te waaki i nanon te kaawa ae e buubura ae B'aburon i nanon ririki ma ririki.

Ioera 3:7

Ma N na karekea nanoia kaain Iuta b'a a na iangoa okiran mwengaia, ao te b'ai are e riki nakoia e na manga riki nakoim.

Mika 2:12

Ma N na bootingkami ni kabaneingkami aika Iteraera aika nikira. N na bootingkami n ai aroia tiibu ngkana a okiri nneia. E na manga okira arona abami are e kauaomata, n ai aron te tawaana n uteute ae e on irouia tiibu.

Tekaria 8:7

N na kamaiuia aika a anaaki nakon aaba ake i mainiku ao i maeao,

Ruka 13:29

Ao ane a na roko aomata mai mainiku ao mai maeao, mai meaang ao mai maiaki, ao a na karekei neia n tekateka n tain te baka n am'arake n uean te Atua.

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

Te Tua-Kaua 30:3

Ao i mwiina, E na katoka katuaaeakimi ao E na manga akoingkami. Ngkana tao E a tia ni kamaenakoingkami nakon aaba ake i tabon aonnaba, ao E na manga kaokingkami