Itaia 43:4 - Te B'aib'ara

⁴ Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 43:4 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taian Areru 135:4

E rinea Iakob'a bon i bukina, te botannaomata ae Iteraera b'a oin ana b'ai.

Itaia 49:5

E a kaman rineai te UEA ae te Atua i m'aain bungiakiu b'a N na m'akuri i bukina ao ni kaokiia Iteraera. Ma ngaia are, e a tia ni karineai te UEA ma ni kakorakoraai.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 31:3

Tabeua boong aika a nako, E kaoti te UEA nako iu ao E taku: Iteraera, N na tangiriko n taai nako; bon anne bukina ngkai I aki toki n taotaona nanou ma n akoi.

Otea 11:1

Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

Maraki 1:2

Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Maraki 3:17

Ao e taku te UEA ae Moan te M'aaka: Kam rangi ni boongana irou ngkami aika aomata, ao N na bon tei i bukimi ngkana I roko n uota te motikitaeka ae eti, kaanga kaaro ngkana a kaawakiniia natiia aika a ongotaeka.

Ioane 16:27

b'a E bon tangiringkami te Tama i bukina ngke kam tangirai ao kam kakoauaa ae I nako mai mairoun te Atua.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 17:26

I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 26:18

Ao ngkai kam a tia ni kariaia b'a kam na ongotaeka iroun te UEA, ao E a tia naba Ngaia ni kariaia b'a kam a riki b'a ana Aomata, ao Ana b'ai, n aron are E a tia ni berita iai.

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.