Itaia 43:27 - Te B'aib'ara

²⁷ A kakaitaraai ami moani bakatibu ma ami taani kairiiri

Itaia 43:27 ပူးပေါင်းရင်းမြစ်များ

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Itaia 24:20

E na bebebebe ma ni ioioaki kaanga te koro ni manging. ke te um'a ae e uarereke n tain te angibuaka. E na taonaki rikaaki n te bure; e na b'aka te aonnaba, ao e na aki manga teirake.

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Itaia 29:10

E a tia te UEA ni karaoingkami b'a kam na nimatutuu; ma ni karokoa te matu ae e korakora i aomi ao n rabun atuumi.

Itaia 3:12

E ngae ngke a na aomata te Atua ngkami, ma kam tautaekanaki ma ni kabuakakaaki irouia aine ma ataei. kam kamangaoaki irouia taani kairiiri aika a kairingkami rikaaki n te kawai ae e kaairua.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 8:8

Kam taku, “Ti bon wanawana b'a iai taeka n reirei ao ana tua te UEA.” Ma I taku b'a a tia n rairi Au taeka ami tia reirei nakon taiani kewe!

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Etekiera 16:3

ao tuangiia te b'ai ae I taekinna ae e kaangai: Ierutarem, ko bon bungiaki n te aba are e maeka iai ngkoa kaain Kanaan. Tamami bon kaain Amora, ao tinami bon kaain Eta.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Maraki 3:7

e ngae ngke kam a tia n aki ongotaeka nakon Au tua nako man aia tai ami bakatibu. Ma ngkana kam okirai, N na manga oki nakoimi. Ao kam a manga titiraki ni kaangai, “Ti na kangaa n oki?”

Warekaia Iteraera 32:14

Ao ngkai kam a manga karaoa naba te aro arei ngkami aomatan Reuben ao Kata; kam a rangi ni kauna riki te UEA.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Mataio 27:41

Ao ai aroia naba ibonga ake mataniwi, ma taani koroboki, ma unimm'aane a kakanikoa Iesu ni kangai,

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

I-Rom 5:12

Ma ngaia aei, b'a ngkai e roko te bure i aon te aba iroun te aomata ae ti temanna,