Itaia 43:26 - Te B'aib'ara

²⁶ I a kaitibo ma ngkami n te kaboowi! Kaota ami tangitang ao kaota te kakoaua b'a kam bon eti.

Itaia 43:26 ပူးပေါင်းရင်းမြစ်များ

Karikani B'aai 32:12

Uringnga are Ko berita ngkoa b'a Ko na kanakoraoi b'aai ni kabane i buku ma n anganai au kariki aika m'aiti aika akea ae kona ni warekia, kaanga ai aron m'aitin tanon mataniwiin taari.”

Iobi 16:21

I tangira temanna ae na tei ni kauntaeka ma te Atua i buku, kaanga aron temanna ae tei i bukin raoraona.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Taian Areru 74:22

Te Atua, teirake, ao taetae i bukim! Uringiia aomata ake akea karineam irouia ni ngareakiniko n te bong koraki.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 41:1

Tai kakarongoa ao kakauongo, abam'akoro ni kabane i nanon te marawa. Kakorakoraingkami ao kaaningkami, aomata ni kabane aika taiani botannaomata. Ti na iangoa aron te b'ai ae e riki aei!

Itaia 43:9

Tuangiia botannaomata ni kabane b'a a na ikotaki. Bon akea mai buakoia ae e konaa n taetae ni kaangai, “Antai ae e tuangingkami!” Ngkana iai ae e ongo b'a a taekina te baei, ao tuangiira taekana n te tai aei.

Itaia 50:8

E mena i rarikiu te tia kaawakinai, bon akea ae e konaa n tei ikai ni bukinai n te kaairua teuana.

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Ruka 10:29

Ma e kani karaoiroia teuarei, ao e taku nakon Iesu, “Ao antai raou?”

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 11:35

Antai ae anganna te b'ai teuana b'a E aonga ni manga kaoka nakoina boona?”

I-Rom 8:33

Antai ae iai ana taeka ni bukiniia akana rineaki iroun te Atua? Bon te Atua ae kaetiia.