Itaia 43:25 - Te B'aib'ara

²⁵ Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 43:25 ပူးပေါင်းရင်းမြစ်များ

2.Rongorongo 6:21

Bon am toro ngai, ao bon am b'ai Iteraera, ma ngaia are, ngkana iai maibuakora ae e kaaitaraa am Tembora man tataro, ao ko na kaeka mani mwengam i karawa ao kab'arai ara bure.

Taian Areru 103:12

Raroani mainiku mai maeao, kanga ai aron raroan ara bure ni kam'awaki mai roura iroun te UEA.

Taian Areru 103:3

E kab'arai am bure ni kabane; ao E kamaiuko man aorakim ni kabane.

Taian Areru 25:11

Kawakina am berita, Te UEA, Ko na kab'ara au bure B'a a bati au bure.

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Taian Areru 51:3

B'a I atai arou aika buakaka, Ao e aki kona ni bua iangoan au bure.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taian Areru 51:9

Karabai matam man au bure nako, Ao kamaunai arou nako aika bubuaka.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 37:35

N na bon kaawakinna i bukin karineau ao i bukin naba te berita are I a tia ni karaoia nakon au tia m'akuri are Tawita.

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Itaia 43:11

Bon ti te Atua Ngai; bon ti Ngai ae I konaa ni kamaiuko.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 48:11

I karaoa aei bon ibuku. I rawa ngkana I aki karineaki ke n tib'aa neboau ma anti tem'angina.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Etekiera 18:22

A na bane ni kab'araaki aia bure, ao a na kamaiuaki ngke a karaoa ae e raoiroi.

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:22

Ma I bon aki. B'a N na bon ngareakinaki iai irouia botannaomata nako ake a tia n noorai ni kaotinakoia mai Aikubita.

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Etekiera 33:16

A na kab'araaki buren aia kairua ake ngkoa, ao a na maiu b'a a tia ni karaoa ae raoiroi.

Etekiera 36:22

ma ngaia are, ko na tuangiia Iteraera Au taeka ae e kaangai: Kam a tia ni kamatauningaa arau ae e tabu i buakoia botannaomata nako ake kam maeka i buakoia ngkai. Ma ngaia ae, e bon riai n aki reke nakoimi te b'ai ae n nang karaoia ngkai nakoimi. N na kaokingkami nakon mwengami ti i bukin karinean arau

Etekiera 36:32

Kaain Iteraera, I aki karaoi aikai i bukimi. Kam aki toki ni bubure nako iu, ao kam bon riai ni kamaamaaeaki ao ni kab'ainrangaki n te b'ai ae kam a tia ni karaoia. Bon aei au taeka Ngai ae te UEA ae te Atua.

Mareko 2:7

“E aera ngkae E taetae Teuaei n ai aron anne? E taetae ni bakanatua! Bon tii te Atua ae kona ni kab'arai buure!”

Ruka 5:21

Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 1:8

are E kabatia n akoira iai! B'a n te rabakau ni kabanea ma te ataib'ai,

Ebera 10:17

Ao E a manga kangai, “Ao N na aki manga uring aia bure ma aia buakaka.”

Ebera 8:12

B'a N na nanoangaiia ni kab'arai aia buakaka, ao N aki manga uring aia bure.”