Itaia 43:24 - Te B'aib'ara

²⁴ Kam tuai man uoti taian b'ai ni kaboiarara aika a raraoi i buku ke n anganai raraoin m'akoron ami man ake taian karea. Ma n onea mwiin anne, kam karawaawataai n ami bure aika a rangi ni buakaka.

Itaia 43:24 ပူးပေါင်းရင်းမြစ်များ

Taian Areru 95:10

Abwi au ririki n rangi n ribaia te koraki arei. Ao I taku, ‘Ai bure ra nanoia! A rawa ni kan ongeaba nakon au taeka.’

Te Otinako 30:34

Rengan taian b'ai ni kaboiarara i bukin te am'arake ake a boobuaka ni kaboraoi m'aitiia, aika te titakite, onika, ao te riibano ni koaua,

Te Otinako 30:7

Man te bong aei, ngkana e karaoa tabena Aaron i bukin te taura ni katoa ingabong ke tairiki,

Itaia 1:14

I ribai ami Toa ae Moan Otin Nam'akaina ao ai uana naba ma ake nikirana ni kabane. Bon taiani b'ai ni karawaawata ao I a kua ni uouoti.

Itaia 1:24

Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 6:20

Kaain Iuta, kam uoti nako iu taiani b'ai ni kaboiarara mai Tieb'a ao b'ai ni kangkangian te am'arake man aaba aika a raroa. Kam karean aekaki ni man ni kabane. Ma e aera ngkai kam tabeaianga? I ribaai ami b'aintangira aikai ni kabane!

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Etekiera 6:9

Ike a na tauaki b'a buure. Ane a na uringai, ao a na ataia ae a tia ni kab'ainrangai ngke a kakaitaraai ao ngke a taromauriia taian bouannanti. Ane a na ribaia i bon irouia i bukin m'akuri aika a buakaka aika a tia ni karaoi,

Nakoaia Ibonga 3:16

E na kabuoki baikai ni kabane te ibonga i aon te baonikarea b'a te karea are te am'arake ae kakukureia te UEA. Ana b'ai te UEA taian nenea ni kabane.

Nakoaia Ibonga 4:31

Ao e na kanakoi taian nenea ni kabane, n ai aron naba kanakoakin nenean te man are tiringaki i bukin te karea n raoi, ao e na kabuokaki i aon te baonikarea b'a te karea ae boiarara nakon te UEA. Ao ai anne ngkanne aron te ibonga n anga te karea i bukin ana bure te aomata, ao e na kab'araaki ana bure.

Amota 2:13

Ao ngkai N na kamanatuako ao ko na ngirangira n ai aron te aenikaa ae on n te uita, man ngirangira i aan rawawatan uotam.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.