Itaia 43:20 - Te B'aib'ara

²⁰ A bane maan aika a aki manana ni karineai, ao ni karokoa naba taian tiakaore ao taian aure. I katauraoa te ran n taian rereua taian karaanga n ran n aaba aika a m'autakataka i bukiia au aomata aika a rineaki.

Itaia 43:20 ပူးပေါင်းရင်းမြစ်များ

1.Rongorongo 16:13

Bon kaain ana utu Iteraera ngkoe, are ana toro; bon ana aomata ngkoe ae e rineaki, are ana kariki Iakob'a.

Taian Areru 104:21

A bekorara raian ataei n aia tai ni kaae konaia: A ukoukori kanaia ake E katauraoi te Atua i bukiia.

Taian Areru 148:10

Ma maan ni kabaneia aika manana ma aika katam'anti, ma maan aika kawakawa ma aika kibakiba.

Taian Areru 33:12

E a kab'aia te botannaomata ae Atuana te UEA; A kab'aia aomata akana E rineia b'a ana b'ai.

Itaia 13:22

A na tangitang taian aiena, ao taiani kameanti man nonon nako B'aburon ao baretina ake a tamaroa. E a roko ana bong!

Itaia 30:25

Ane a na tiringaki aomata ma n uruakaki taian taua n te bong arei, ma a na raanga taian karaanga n ran man taian tabuki ao maunga aika a rietaata.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 33:21

E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Itaia 35:7

Ane e na manga onikaki te tano ae e a b'atata nakon te neinei n ran, e na taorake te tano ae e m'autakataka n taiani koburake n ran. A na rikirake uteute n te tano ae m'aim'ai, ike a karaoa iai mwengaia nanai ni kamea aika a aki manana.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 41:18

N na karaangai taiani karaanga i aon taubukin taiani maunga. N na kanakoa taian raanga n ran ni kaoni taiani m'arua. E na onrake te aba ae e rereua n raangan taian koburake n ran ao a na riki b'a neei aika taian reke.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Itaia 48:21

E kairiira i nanon te rereua ao e karaanga nako te ran man te b'a ni katoki nanoia aika a taka.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Mareko 13:20

Ao ngkana E aki kakimototoi boong akanne te Uea, ao bon akea te aomata temanna ae na kamaiuaki; ma E kakimototoi boong akanne i bukiia ake a rineaki, ake E rineia.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.