Itaia 43:2 - Te B'aib'ara

² Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 43:2 ပူးပေါင်းရင်းမြစ်များ

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 32:6

Ma ngaia ae a riai akana tangiriko n tataro nakoim n taai ake a kai nanoia iai; Ao ngkana a roko kaangaanga b'a kanga ai aron rokon te ieka, Ao a na bon aki rotaki iai.

Taian Areru 66:10

Te Atua, Ko a tia ni kataira b'a ti uara! Aron te tirewa ni kaitiakaki n te ai, ao ai bon arora naba ni kataaki b'a ti aonga n itiaki.

Taian Areru 66:12

Ko angania aiara te tokarira nako; Ti b'ainikirinaki kanga ai aroia aomata aika ri buakon te ai ma te ieka, Ma Ko kairira nakon te tabo ae ti na maiu iai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 30:27

E a roko te UEA man te tabo ae e raroa ma unna ae e korakora ao te bubu n nang ae matenten. E waerake uran ana taeka n un kaanga ai aron te ai ae e urub'ai;

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Ieremia 42:11

Kam na aki maaka Uean B'aburon. N na kamanoingkami mai rouna,

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Taniera 3:23

Ao i mwiin anne, ao a b'aka i nuukan te ai are e ura m'aaka Tiateraka, Metiaka ao Abeteneko n aroia ake a kabaeaki iai.

Akai 1:13

Ao e tuangiia Akai b'a E a tia ni berita te UEA b'a E na meemena irouia.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

Ebera 11:29

I bukin aia onimaki Iteraera, ao a ri nukan Tari are Uraura n ai aron ae kanga a nakonako i aon te tano ae m'au; ao ngke a kataia I-Aikubita ni karaoa naba aei, ao a iekaki n te ran ao a mate.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”