Itaia 43:19 - Te B'aib'ara

¹⁹ I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Itaia 43:19 ပူးပေါင်းရင်းမြစ်များ

Taian Areru 105:41

E katabwena te b'aa, ao e ti nako te ran, Ao e raanga nako nanon te rereua b'a kanga te karaanga.

Taian Areru 126:4

Te UEA, Ko na manga kaoka kab'aiara nakoira, n ai aron te raanga n ran te rereua are i maiaki.

Te Otinako 17:6

N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.

Itaia 30:25

Ane a na tiringaki aomata ma n uruakaki taian taua n te bong arei, ma a na raanga taian karaanga n ran man taian tabuki ao maunga aika a rietaata.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 33:21

E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Itaia 35:1

Ane a na kukurei taian rereua aika a mate n taka; ane a na ngarengare aaba aika akea kain aoia ao a na ure ueeia.

Itaia 41:18

N na karaangai taiani karaanga i aon taubukin taiani maunga. N na kanakoa taian raanga n ran ni kaoni taiani m'arua. E na onrake te aba ae e rereua n raangan taian koburake n ran ao a na riki b'a neei aika taian reke.

Itaia 41:19

N na kaonrakea te rereua n aekaki n aroka nako aika tiira, aketia, ma motere; oriwa ma m'aiango; ao bureen ma teatura.

Itaia 42:9

A na roko b'aai ni kabane ake a tia n roko naba i m'aaina n aron are I taku; ao ngkai N nang katanoata are i mwiina.

Itaia 48:5

Ao I tuangngkami b'aai aikai, b'a ngkana a riki ao kam na aki kaangai, “A karaoa te aekaki aei taian bouannanti ake ti taromaurii.”

Itaia 48:6

Kam ongo ngkoa te b'ai are I taekinna, ao kam a tia n nooria b'a e a tia n riki. Ngkai kam na taekinna b'a e boni koaua! N na kaoti nakoim b'aai aika a raba aika kam tuai man atai.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Ieremia 23:7

E na roko te tai are kam na manga taromauriai iai. Ma kam na aki manga aranai b'a te Atua ae E Maiu are e kamaiuia Iteraera mai Aikubita.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Warekaia Iteraera 20:11

Ao e tabeka okona i eta, ao e orea te b'aa uoua te tai, ao e a rina naba n tiinako te ran man te b'aa, ao e a reke nimaia aomata ma aia nanai ni man.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

Te Tua-Kaua 8:15

Kam na uring naba arona ngke E kairingkami n te rereua are rangi ni korakora ma ni kakamaaku, ike a mena iai taiani naeta, ao tikaobian aika kamamate. Bon akea te ran, ma E katabwena te b'a te UEA, ao e tiinako te ran, ao kam a mooi iai.

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”