Itaia 42:7 - Te B'aib'ara

⁷ Kam na anga te noraaba nakoia aika a matakii; kam na kainaomataia buure man taian karabuuti aika a roo.

Itaia 42:7 ပူးပေါင်းရင်းမြစ်များ

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Itaia 29:18

Ane a na konaa n ongo taningabono te b'ai ae e warekaki nakoia; ao ane a na kainaomataaki matakii ma n te maiu i nanon te rotongitong.

Itaia 35:5

Ane a na nooraki aika matakii, ao a na kamaiuaki aika a bonotaninga.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Itaia 49:9

Ko na kainaomataia buure man taiani kakai ake a rootongitong b'a a na noora ootan te ngaina. Ana kunei kanaia aika a m'aiti i aon kawaia n okira mwengaia, e ngae ngkana a mena i aon tabuki aika akea kain aoia.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Itaia 9:2

A tia n noora te oota aomata ake a tia n nakonako i nanon te roo. Ao a oota nako i aoia ni kabane aomata ake a maeka n te aba are te kabanea n rootongitong nuuna.

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Ruka 24:45

Ao E buoki aia iango b'a a aonga n ata nanon are koreaki n te B'aib'ara;

Ioane 9:39

Ao E taku Iesu, “I roko n te aonnaba aei ni kaeti b'aai: b'a a na noraba akana matakii, ao a na riki ni matakii akana noraba.”

Ioane 9:7

ao E taku nakoina, “Ko na nako n teboki matam n te nei are Tiroam.” (Nanon te taeka aei, “Kanakoa”.) Ma ngaia are, e nako n teboki matana, ao e oki n noraba.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.