Itaia 42:5 - Te B'aib'ara

⁵ Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 42:5 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Iobi 12:10

Bon te Atua ae kairi maiuia Ana karikib'ai, a bane ni mena maiuia aomata i nanon m'aakana.

Iobi 27:3

ni karokoa tokin maiu n aron are E a tia ni baaireia,

Iobi 33:4

E karaoai Tamnein te Atua, ao E kamaiuai ikeiken Teuare Moan te M'aaka.

Iobi 34:14

Ngkana E a manga anaa te ikeike ni maiu te Atua are E a tia n anga,

Taian Areru 136:6

E katea aonnaba i aon raan aika nano; b'a akea tokin ana Tangira.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 96:5

Bouananti antiia botannaomata nako, ma E karika karawa te UEA.

Itaia 37:16

Te UEA ae Atuaia Iteraera ae Moan te M'aaka, e mena am kaintokanuea i aon baika a maiu aika iai baiia ni kiba. Ko karaoa karawa ma aonnaba, ao bon ti Ngkoe n tautaekan taian abanuea n te aonnaba.

Itaia 40:12

Iai mai roumi ae e baairea te marawa n ti ngaia ke n taakina karawa n oini baina? Ngkoe ae ko kaaki te tano n te aonnaba i nanon te b'aketi ke n taua rawaawatan taian tabuki ao taiani maunga i aon te kainikatine?

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 40:26

Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 38:16

Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Etekiera 18:4

Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Amota 9:6

E karaoa mwengana te UEA i karawa, ao aon te aba b'a te aana. E wetei raan mai i aan taari ao E kab'aroi i aon te aba. Bon te UEA arana!

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.

M'akuri 17:25

Ao bon akea te b'ai ae a karaoia aomata i bukina b'a akea te b'ai ae E kainanoia, ngkai boni Ngaia ae anga te maiu, te ikeike, ma b'aai ni kabane nakoia aomata ni kabaneia;

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;