Itaia 42:3 - Te B'aib'ara

³ E na bon aki otea naba te uteute ae manamana ke ni kabuokia, ma e na kakoaua raoi b'a e na karaoaki ae eti.

Itaia 42:3 ပူးပေါင်းရင်းမြစ်များ

Taian Areru 147:3

E kamaiuia akana uruaki nanoia, ao E kabae ikoakiia.

Taian Areru 54:5

E na karawawataia taan ribaai, i bukin aia m'akuri aika buakaka. Te Atua, Ko na kamateia i bukina ngkai Ko kakaonimaki.

Taian Areru 94:15

E na manga noraki te kaetitaeka ae e raoiroi ni b'ainaki n te kabowi, Ao e na boutokaki irouia aomata akana raoiroi.

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 42:2

E na aki takaarua ke n tang ke ni weewete i nanon kawain nuukan te kaawa.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Itaia 63:1

Antai ae aei ae roko mai Botira i Etom ma kunnikaina ae e kakiriurauraaki? Antai te aomata ae e kakannato aei ae e m'ananga ma ana kaboraoi ae e mimitong?

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 31:25

A na manga reke maiuia ma korakoraia koraki akana a kua ma ni kainano,

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Mataio 12:20

E na aki kinika te uteute mani m'aotona, ao E na aki kamatea m'aakaron taboni wiikin te taura ni karokoa ae katokanikaia te kaeti-taeka ae raoiroi.

Ioane 20:27

Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.