Itaia 42:11 - Te B'aib'ara

¹¹ Tuangiia baronga akana n te rereua ao aomata akana i aon taiani maunga b'a a na bootaki ni kukurei ao n anene.

Itaia 42:11 ပူးပေါင်းရင်းမြစ်များ

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Taian Areru 120:5

Ma N na maeka n iruwa, n ai aroia aomatan Meteka, ao n aia kaemb'a kaaini Keta.

Itaia 12:5

Ti na anenea neboam i bukin am m'akuri aika a kamimii n taabo nako n te aonnaba aio.”

Itaia 16:1

Kanakoia taian tiibu ataei b'a taiani b'aintangira nakoia taan tautaeka n te aba. Kanakoia ri nanon te rereua mai Tera nakon te Maunga are Tion.

Itaia 21:16

E taku te UEA nako iu: A nang toki mimitongiia kaain Keta man te ririki aei, kaanga aron banen ana tai te tia m'akuri i mwiin teuana te ririki.

Itaia 32:16

E na mari ikekei n te raoiroi ao te eti,

Itaia 35:1

Ane a na kukurei taian rereua aika a mate n taka; ane a na ngarengare aaba aika akea kain aoia ao a na ure ueeia.

Itaia 35:6

Ane a na eweewerake aika a m'auku kaanga taian ria; neewe aika a bae a na manga takaarua. Ane a na manga raanga raan ri nanon te rereua.

Itaia 40:3

E taakarua temanna ni kaangai, “Kaitiaka te kawai i nanon te rereua! Karaoa te kawai ae e eti i bukin te UEA ae te Atua.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Ieremia 21:13

Ierutarem, ko taratara nako mai aon tabukin te maunga n taraa aon taian m'arua ao ko taku b'a ko mano. Ma I un Ngai ae te UEA,

Ieremia 48:28

Ao n te tai aei kam na kiitana ami kaawa ao kam na maeka kaanga te taobe ae e kamanoa n te aba ae e katati ke tabwenani b'aa aika a rietaata.

Ieremia 49:16

E burebureingkami te kainikatonga b'a kam na iangoia b'a a taraingkami botannaomata ake tabeua ma te maaku. Kam maeka i buakon taabo aika a katati rikaaki ao i aon taiani maunga kaanga taian ikare, ma bon Ngai ae te UEA ae N na uotiko rikaaki.

Ieremia 49:31

Bon akea oon ami kaawa aika a buubura ao bon akea kaain rarikimi aika a na konaa ni buokingkami, ao ae kam bon iangoia naba b'a kam mano ma ngaia ae, I tuangnga b'a e na buaka.

Etekiera 27:21

ao kaain Arabia ao taan tautaeka i Keta a iokinib'aia taian tiibuteteei, taian tiibu, ao taiani kooti.

Ob'aria 1:3

Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.