Itaia 42:10 - Te B'aib'ara

¹⁰ Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 42:10 ပူးပေါင်းရင်းမြစ်များ

1.Rongorongo 16:32

Tuanga marawa b'a a na rurunga ma baika a maiu ni kabane iai ao taian tawaana b'a a na kukurei ma arokan nanoia ni kabane.

Taian Areru 150:6

Kam na kamoamoa te UEA, ngkami ni kabane aika iai te maiu iroumi! Kam na kamoamoa te UEA!

Taian Areru 33:3

Anene nakoina n te anene ae boou; Kaoti rabakaumi ni katanga te aabi, ao kanene b'anaami ni kim'areirei!

Taian Areru 40:3

E reireiai b'a N na anenea te kuna ae boou, i bukini karaoiroan Atuara. A na nora aio aomata aika bati, ao a na karinea ma n onimakina te UEA.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Taian Areru 96:11

E na kim'areirei karawa ao e na kukurei aonnaba! E na rurunga marawa, ma kanoana;

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Te Otinako 15:1

Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 12:5

Ti na anenea neboam i bukin am m'akuri aika a kamimii n taabo nako n te aonnaba aio.”

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 60:6

E na onrake abam n te naani kamero aika ataei mai Miria ao Eb'a; a uoti taiani koora ma b'aai ni kaboiarara b'a b'aini karineau, Ngai ae te UEA kaain Tieb'a

Itaia 60:9

A tataningaai Ngai ae te UEA ami aomata n abam'akoro aika a raroa nako. A kaira te kawai kaibuke ni m'am'ananga i bukin kaokaia nakon aia auti ma aia tirewa ao aia koora. Boni Ngai ae te UEA ae I karaoa aei i bukin karineaia ami aomata, b'a aonga ni karineai.

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Itaia 65:14

A na anene ni kim'areirei, ao ngkami kam na tangi ma te uruaki n nano.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Te Kaotioti 14:3

ao a anenea te anene teuana ae kanga te anene ae boou, i nanoaan te kaintokanuea ao i mataia baike a maiu ma unimm'aane; ao akea temanna ae kona n reireia te anene arei, b'a ti te koraki ake 144,000 ake a tia ni kamaiuaki mai buakoia kaain aon te aba.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,