Itaia 41:9 - Te B'aib'ara

⁹ I uotiko nako ikai man iteran te aonaaba ae e raroa nako ao I kaangai, “Bon au tia m'akuri ae e rineaki ngkoe ae I aki konaa ni m'aninga taekam.”

Itaia 41:9 ပူးပေါင်းရင်းမြစ်များ

Taian Areru 135:4

E rinea Iakob'a bon i bukina, te botannaomata ae Iteraera b'a oin ana b'ai.

Taian Areru 94:14

Ane E na aki kaaki taekaia ana botannaomata te UEA; E na aki kitaniia akana ana b'ai.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 44:1

Kaain Iteraera, I a tia n rineingkami b'a au tia m'akuri.

Itaia 45:4

Tairati, ko aki ataai naba! Ma I a tia ni weteiko n aram ao n rangi ni karineko i bukin Iteraera, are au tia m'akuri ae e rineaki.

Maraki 1:2

Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Ruka 13:29

Ao ane a na roko aomata mai mainiku ao mai maeao, mai meaang ao mai maiaki, ao a na karekei neia n tekateka n tain te baka n am'arake n uean te Atua.

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.