Itaia 41:8 - Te B'aib'ara

⁸ Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 41:8 ပူးပေါင်းရင်းမြစ်များ

1.Rongorongo 16:13

Bon kaain ana utu Iteraera ngkoe, are ana toro; bon ana aomata ngkoe ae e rineaki, are ana kariki Iakob'a.

2.Rongorongo 20:7

Atuara, ko kanakoia botannaomata ake a maeka n te aba aei i m'aain riniia am aomata aika Iteraera ikai, ao ko anganiia ana kariki raoraom are Aberaam n aki toki.

Taian Areru 105:6

Ngkami akana ana kariki Aberaam are ana toro, Akana kanoan Iakob'a, akana kam rineaki i rouna.

Taian Areru 135:4

E rinea Iakob'a bon i bukina, te botannaomata ae Iteraera b'a oin ana b'ai.

Taian Areru 136:21

E anai abaia b'a a na abanaki irouia ana Aomata; b'a akea tokin ana Tangira.

Taian Areru 136:22

E anga nakon te botannaomata ae Iteraera, ake ana Toro; b'a akea tokin ana Tangira.

Taian Areru 33:12

E a kab'aia te botannaomata ae Atuana te UEA; A kab'aia aomata akana E rineia b'a ana b'ai.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 29:22

Aikai taeka aika e na taekin te UEA are e kamaiuia Aberaam i bukin kanoan Iakob'a: “Ane a na aki manga mamaa ao ni b'ainrang.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 42:19

Bon akea ae e matakii riki ke e bonotaninga riki nakon ana tia uarongorongo, are ana tia m'akuri are e rineaki,

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Itaia 44:21

Kaain Iteraera, bon au taani m'akuri ngkami; ma ngaia are, kam na uring b'aai aikai ni kabane. Iteraera, I karikingkami, ao bon au taani m'akuri ngkami. I bon aki m'aninga taekami.

Itaia 45:4

Tairati, ko aki ataai naba! Ma I a tia ni weteiko n aram ao n rangi ni karineko i bukin Iteraera, are au tia m'akuri ae e rineaki.

Itaia 48:12

Iteraera ae au aomata ae e rineaki, kakauongo irou Bon ti te UEA Ngai, te moan ao te kabane.

Itaia 49:3

E taku te UEA nako iu, Iteraera, bon au tia m'akuri ngkoe; N na bon rangi ni karineaki i bukim.”

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Ieremia 33:24

Ko a tia n ongongo aia taeka ianena ngkana a kamamaaeia Au aomata ni kaangai, E rineia ngkoa Iteraera ma Iuta te UEA, ma ngkai e a katinanikuia, ao a aki manga riki b'a Ana botannaomata.”

Nakoaia Ibonga 25:42

I kairiia mai Aikubita b'a au taani m'akuri, ma a na aki kabooaki nako b'a tooro.

Maraki 1:2

Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

I-Karatia 3:19

Tera ngkanne manenan te Tua? E roko te Tua b'a raon te boraraoi, ao e bongana i bukin taiani bure, ni karokoa rokon Temanna n ana kariki Aberaam, are E anganaki te taeka n akoi. E anganaki te aba te Tua irouia anera ni bain te aomata ae te tia itoman i marenan te Atua ma aomata.

Te Tua-Kaua 10:15

Ma e bon rangi ni korakora tangiraia ami bakatibu iroun te UEA, ao E tangiria ni karikiia b'a Ana b'ai. Ma ngaia are, E rineia ma kanoaia mai buakoia botannaomata ake tabeua, ao n te bong aei kam bon teimatoa naba n riki b'a ana Aomata.

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Iakobo 2:23

Ao e kakoauaki taekan te B'aib'ara are kaangai, “Ao e onimakina te Atua Aberaam, ao e atongaki aei b'a ngaia ae e reke iai reitakina ma te Atua.” Ao e aranaki b'a raoraon te Atua.