Itaia 41:19 - Te B'aib'ara

¹⁹ N na kaonrakea te rereua n aekaki n aroka nako aika tiira, aketia, ma motere; oriwa ma m'aiango; ao bureen ma teatura.

Itaia 41:19 ပူးပေါင်းရင်းမြစ်များ

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 35:1

Ane a na kukurei taian rereua aika a mate n taka; ane a na ngarengare aaba aika akea kain aoia ao a na ure ueeia.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 55:13

Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Itaia 60:13

A na uotaki nakoim moan raraoin kaain Reb'anon kaai ake teatura, kaai ake bureen, ao kaain ake tiira. A na kamanenaaki n au Tembora i bukin katamaroaan te tabo ike N na katokaa iai waeu.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Etekiera 47:12

A na maiu taian kai n am'arake i mataniwiin te karaanga aei ao a na katiinakoi taiani uaa aika a raraoi ni katoa nam'akaina. A na aki rai baana, i bukina b'a e tebotebokaki n taai nako n ranin te raanga n ran are e raanga man te Tembora, ao e na kamanenaaki i bukin kamaiuaia aomata.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.